Guliston davlat universiteti ishlab chiqarish texnologiyalari fakulteti oziq-ovqat texnologiyalari kafedrasi

Mexanizastiyalashgan omborlar. Bu tipdagi omborlar poli qiya qurilgan bo`lib, urug`ning pastki galareyadagi transport vositasiga uzatish uchun qulaylik yaratadi. Mexanizastiyalashgan omborlar (15-rasm) bir qavatli bino bo`lib, unda quyi va yuqori galareyalar ichida 1-, 2-, 3- va 4-lentali transportyor qurilmalari mavjud. Ular yordamida urug`larni gorizontal yo`nalishda omborxonaning istalgan nuqtasiga va keraklicha ishlab chiqarishga uzatish mumkin. Bunday omborlarning pollari qiya bo`lib, bu narsa urug`larni qayta ishlash uchun yoki omborxonaning boshqa bo`limiga uzatish uchun lentali transportyorga sirg`alib tushishiga imkon yaratadi. Urug`lar 5- va 6-ventilyatorlar yordamida faol shamollatib turiladi. Bunday omborxonalarning eni 8-32 metr, balandligi 15 m gacha, uzunligi turlicha bo`ladi.
Mexanizastiyalashgan omborlarning afzalligi shuki, ularda yuklash va bo`shatish ishlari to`liq mexanizastiyalashgan va elevator tipidagi omborlar kabi baland emas. Kamchiligi esa, katta maydon egallaydi, zichlashib qoladigan urug`larni masalan, paxta chigitini saqlash imkoni bo`lmaydi.



Mexanizastiyalashgan ombor
Chayla tipidagi omborxonalar (skladi shatrovogo tipa) Bu omborxonalarning poli tekis bo`lib, turli xildagi urug`lar va shu jumladan paxta chigitini saqlash mumkin. Tekis polli omborxonalarning ikki biqinida erosti temirbeton galareyalari bo`lib, ulart ichida lentali transporterlar o`rnatilgan. Ular orqali moyli urug`lar omborxonaning tor tomonidagi minora ichiga o`rnatilgan noriyaga uzatiladi. Bu noriya chigitni omborxona tepasidagi trasportyor lentasiga uzatib, xom ashyo omborxonaning istalgan bo`limiga to`kilishi mumkin yoki urug`lar sanoatga yo`llanadi. Omborxonadan moyli urug`lar galareyalardagi lentalarga tuynuklar orqali oqiziladi. Omborxonaning o`rta qismidan xom ashyo o`ziyurar yuklovchi-bo`shatuvchi mexanizmlar yordamida galareya ustidagi tuynuklarga etkazib beriladi.



Chayla tipidagi ombor
Tekis polli chayla tipidagi omborlardaurug`lar yuqoridan lentali transportyor (1) yordamida yuklanadi, bo`shatish esa harakatlanuvchi don bo`shatgich yoki 2-lentali transportyor yordamida amalga oshiriladi. Aynan shu transportyor (2) yordamida urug`lar tozalashga, yoki qayta ishlashga yuboriladi. Chayla tipidagi omborxonalar 5 va 10 ming tonnali bo`ladi.

Paxta chigitini saqlash ombori