Гормонал препаратлар (давоми) буйрак усти бези гормонларининг препаратлари

Триамцинолон (полкортолон) – яллиғланишга қарши восита сифати-да гидрокортизондан тахминан 5 марта юыори фаолликка эга. Натрий, хлор, калий ионлари ва сувнинг чиқарилишига таъсир кўрсатмайди. Ножўя таъсир-лари: мушаклар атрофияси, иштаҳанинг пасайиши, депрессив ҳолатлар.
Глюкокортикоид препаратларнинг ишлатилишига асосий кўрсатма: буйрак усти безининг ўткир ва сурункали етишмовчилиги. Аммо, уларни кў-пинча яллиғланишга ҳамда аллергияга қарши восита сифатида кенг қўллани-лади. Мазкур хоссалари туфайли улар коллагенозларда, ревматизмда (бодда), терининг яллиғланишли касалликларида (экзема ва б), аллергик ҳолатларда (бронхиал астма, пичан иситмаси), кўзнинг айрим касалликларида (ирит, кератит) юқори самарадорликка эга. Улар кўпинча ўткир лейкозларда, иммунодепрессив хоссаси мавжудлиги туфайли эса аъзо ва тўқималар кўчириб ўтка-зилганда ҳам ишлатилади.
Турли тери касалликларида яллиғланишга қарши восита сифатида қўл-ланилганда глюкокортикоидлар кўпинча тизимли таъсирлар келтириб чиқа-ради ва бунда ҳар хил ножўя самаралар ҳам кузатилиши мумкин. Шунинг учун ҳозирда тери касалликларида ишлатиладиган ҳамда маҳаллий қўлланил-ганда тери орқали ёмон сўриладиган глюкокортикоид препаратлар яратилган. Улар преднизолон унумлари бўлиб, таркибида 2 молекула фтор сақлайдиган синафлан (флуоцинолон ацетониди) ва флуметазон пивалати препаратларидир. Мазкур препаратлар кучли ифодаланган яллиғланишга, аллергияга ва қичишишга қарши фаолликка эга. Суртма ва крем шаклида фақат маҳаллий қўлланилади. Тери орқали жуда кам сўрилади ва тизимли таъсирга деярлик эга эмас. Шу билан бирга, улар тери ва шиллиқ қаватларнинг микроорганизмларга нисбатан резистентлигини пасайтириши туфайли суперинфекция келтириб чиқариши мумкин. Шунинг учун ушбу препаратларни микробларга қарши воситалар билан бирга қўллаш мақсадга мувофиқ, масалан неомицин билан (“Синалар-Н”, “Локакортен-Н” суртмалари). Синафлан “Синалар”, “Синалар-Н”, “Флуцинар”, флуметазон пивалат эса “Локакортен”, “Лоринден С”, “Локасален”, “Локакортен-Н” сурмаларининг таъсир кўрсатувчи асосий моддаси ҳисобланади.