Гормонал препаратлар (давоми) буйрак усти бези гормонларининг препаратлари

ГОРМОНАЛ ПРЕПАРАТЛАР (ДАВОМИ)
БУЙРАК УСТИ БЕЗИ ГОРМОНЛАРИНИНГ ПРЕПАРАТЛАРИ
(КОРТИКОСТЕРОИДЛАР)
Буйрак усти безида 40 дан ортиқ стероидлар синтез қилинади. Уларнинг кўпчилиги биологик аҳамиятга эга. Айрим кортикостероидлар (гидрокортизон, кортикостерон, альдостерон) ҳаётий зарур бирикмалардир. Одатда кортикостероидлар 3 гуруҳга бўлинади:
1. Глюкокортикоидлар
Гидрокортизон
11-Дегидрокортикостерон
Кортикостерон
2. Минералокортикоидлар
Альдостерон
11-Дезоксикортикортикостерон
11-Дезокси-17-оксикортикостерон
3. Жинсий гормонлар
Андростерон
Андростендион
Эстрон
Прогестерон
Кортикостероидлар асосан холестериндан синтезланади. Глюкокортикоидларнинг биосинтези ва ажралиши асосан АКТГ орқали бошқарилади. Минералокортикоидларнинг ҳосил бўлиши экстрацеллюляр суюқлик ҳажми-га ҳамда қон зардобидаги натрий ва калий ионлари миқдорига боғлиқ. Шунингдек, ренин-ангиотензин тизими ҳам муҳим рол ўйнайди. Бунда АКТГ нинг аҳамияти кам.
Глюкокортикоидлар
Глюкокортикоидлар ҳужайра ичида таъсир қилади. Улар ҳужайра цитоплазмасидаги специфик рецепторлар билан ўзаро таъсирлашади. Бунда рецептор “фаоллашади” ва бу унинг конформацион ўзгаришига олиб келади. Ҳосил бўлган “стероид+рецептор” комплекси ҳужайра ядросига киради ДНК билан бирикиб маълум генларнинг транскрипциясини бошқаради. Бу оқсил ва ферментлар синтезига таъсир қилувчи специфик иРНК ҳосил бўлишини кучайтиради.
Буйрак усти безининг асосий гормонлари, уларнинг
препаратлари ва синтетик аналоглари

Кортикостеро-идлар	Гормонлари	Препаратлари