Гормонал препаратлар (давоми) буйрак усти бези гормонларининг препаратлари

Ципротерон ацетати – прогестероннинг унуми бўлиб, стероидларга киради. Тестостеронга (дигидротестостеронга) сезгир бўлган андроген рецеп-торларни блоклаши ҳисобига у периферик “нишон”-тўқималарда спермато- генезни пасайтиради. Препаратнинг киритилиши тўхтатилганидан кейин 4 ойда сперматогенез қайта тикланади. МНСдаги андроген рецепторларни блоклаши ҳисобига жинсий хоҳишни пасайтиради ва импотенция келтириб чиқаради. Антиандроген хоссасидан ташқари, ципратерон ацетати камроқ да-ражада гестаген фаолликка ҳам эга. Тестостерон билан бир вақтда лютеинловчи ва фолликулостимулловчи гормонлар миқдорини ҳам пасайтиради. Уни оғир турдаги гирсутизмда, акнеда (угри), простата бези гиперплазиясида, эркакларнинг гиперсексуаллигида ишлатилади.
Ностероид тузилишга эга бўлган флутамид препарати ҳам антиандро- ген хоссага эга.
Финастерид – 5α-редуктазанинг ингибитори бўлиб ҳисобланади. Ким- ёвий тузилиши жиҳатидан гетероциклик бирикмаларга киради. Ушбу фермент таъсирида тестостерон дигидротестостеронга айланади. Бу жараён организмнинг қатор тўқималарида мунтазам равишда амалга оширилади (простата безида, жун толасининг фолликуласида). Простата безининг гиперплазиясида ундаги дигидротестостерон миқдори ошади ва у простата безидаги андроген рецепторлар билан ўзаро таъсирлашиб, ундаги ўсиш омилининг ишлаб чиқарилишини кучайтиради ва бу, ўз навбатида, безнинг гипертрофиясига олиб келади. Финастерид ҳужайра ядролари мембранасида жойлашган 5α-редуктазани рақобатлашган тарзда блоклаб, простатанинг ҳужайраси ичидаги дигидротестостерон миқдорини ва қон зардобидаги унинг концентрациясини камайтиради. Кўрсатма – простата безининг хавфсиз гиперплазиясини даволаш. Препарат таъсирида простата безининг ўлчамлари кичиклашади ва беморларнинг 1/3 қисмида сийиш жараёни яхшиланади. Жинсий потенцияга ва либидога таъсир қилмайди. МИЙдан яхши (60% атрофида) сў-рилади. Жигарда метаболитланади, t_1/2 ~ 8 соатга тенг. Буйрак ва ичак орқали ажратилади.
Дутастерид (аводарт) – мазкур патологияда қўлланиладиган энг самарали восита бўлиб, 5α-редуктазанинг ҳар иккала изоферментини ҳам блоклайди (фенастерид эса асосан 2-турдагисини блоклайди).