Glossariy abiotik omillar organizmlarga muhitning fizik va kimyoviy jihatlari orqali ta’sir ko‘rsatadi. Agrar islohotlar

Demoekologiya – populyatsiya va uning muhiti.
Dendrologiya parklari va botanika bog‘lari tabiat muhofazasi muassasalari bo‘lib, ularning vazifasiga o‘simlik olami xilma-xilligini asrash va boyitish maqsadlarida o‘simliklarning maxsus kolleksiyasini yaratish, shuningdek, ilmiy,
o‘quv va ma’rifiy faoliyatni amalga oshirish kiradi.
Demografiya – aholi sonining yosh va jinsi ko‘payishi to‘g‘risidagi statistik ma’lumotlar majmuyi.
Dinamik ekologiya – dinamik-evolyutsiya yo‘nalishida organizmlarning atrof-muhit bilan o‘zaro munosabatlari qonuniyatlarini o‘rganish.
Yer rentasi – yer egasiga vaqti-vaqti bilan ijarachi tomonidan yerdan foydalanganligi uchun to‘lanib turiladigan so‘m miqdori.
Yer kadastri yerning tabiiy, xo‘jalik va huquqiy o‘rni to‘g‘risida ma’lumotlar to‘plami bo‘lib, u yerdan foydalanuvchilarning ro‘yxati, yerning miqdori va sifati hisobi, tuproq banitirovkasi va yerni iqtisodiy baholash ma’lumotlarini o‘z ichiga oladi.
Yerosti boyliklari tabiiy muhit tizimining yer qa’ri bilan eng yaqin bog‘langan elementi bo‘lib, ular jonsiz tabiat resurslari hisoblanadi. Ulardan konstruksion va boshqa materiallar, kimyoviy qo‘shilmalar, o‘g‘itlar va boshqalarni ishlab chiqarishda keng miqyoslarda foydalaniladi. O‘zbekistonning yerosti boyliklari g‘oyat xilma-xil, zahiralari esa ko‘p bo‘lib, ular 100 ga yaqin mineral xom ashyo turlarini, 2,7 mingdan ziyod turli foydali qazilma konlarini o‘z ichiga oladi.
Zoologiya parklari (hayvonot bog‘lari) ekologiya ta’limtarbiya ishlarini amalga oshirish, hayvonlarning nodir ekzotik va mahalliy turlari ekspozitsiyalarini yaratish, ularning genofondini saqlab qolish, yovvoyi hayvonlarni o‘rganish, ularni tutqunlikda ko‘paytirishning ilmiy asoslarini ishlab chiqish bilanshug‘ullanadi. Ular ham tabiatni muhofaza qilish muassasalari hisoblanadi.
Ixtisoslashuv ishlab chiqarishning muayyan mahsulot ishlab chiqarish yoki xizmat ko‘rsatishga moslashuvidir. Ixtisoslashuv acocida mehnat taqsimoti turadi.