Glossariy abiotik omillar organizmlarga muhitning fizik va kimyoviy jihatlari orqali ta’sir ko‘rsatadi. Agrar islohotlar

Atrof-muhit muhofazasi – tabiiy boyliklarni asrash va tiklashni, jamiyat faoliyati natijalarining tabiatga va inson salomatligiga bevosita va bilvosita zararli ta’sirining oldini olib tabiiy resurslardan oqilona foydalanishni ta’minlaydigan inson faoliyatibilan atrof tabiiy muhit o‘rtasidagi o‘zaro ta’sirni maqsadga muvofiq qo‘llab-quvvatlashga yo‘naltirilgan tadbirlar tizimidir.
Atrof-muhitning assimilyatsiya potensiali (AMAP) o‘ziga xos tabiiy resurs bo‘lib, u cheklangan yoki tanqis (kamchil) resurs hisoblanadi.
Audit so‘zi ingliz tilidan so‘zma-so‘z tarjima qilinganda, (inglizcha audit) tekshirish, buxgalteriya kitoblari, hujjatlari, hisobotlarini taftish qilish ma’nosini bildiradi.
Aholi o‘zining hayotiy faoliyatini ma’lum ijtimoiy va hududiy jamoalar doirasida amalga oshirayotgan insonlar guruhidir.
Aholi migratsiyasi lotinchadan (migratio) ko‘chish, ko‘chirish ma’nocini anglatadi. Turar joyining o‘zgarishi bilan yakunlanadigan aholining hududiy harakati.
Biologik “xizmatlar” – inson salomatligiga tabiat sokinligi, toza havo, jismoniy toliqishning ketishidan keladigan foyda.
Biologik resurslar jonli tabiat resurslari bo‘lib, ular o‘simliklar, hayvonlar va mikroorganizmlardan tarkib topgan va barcha muhitlarda – yerda, suvda, havoda tarqalgan. Biologik resurslar kompleks resurslardir. Ularga produtsentlar,
konsumentlar, redutsentlar kiradi.
Biosfera sayyoramizdagi “hayot qobig‘i” hisoblanib, tirik organizmlarning o‘zaro chambarchas aloqa, munosabatlaridan iborat murakkab ekotizimlar majmuyini tashkil etadi.
Biotsenoz – yashash sharoitlari ma’lum darajada bir xil bo‘lgan hududni egallagan o‘simlik, hayvon va mikroorganizmlar majmuyi.
Biogeotsenoz – tabiatning ma’lum xududdagi modda va energiya almashinuvida o‘zaro bog‘liq bo‘lgan jonli va jonsiz komponentlarning yagona tizimi.
Biotik omillar organizmlarning turli shakllardagi o‘zaro
munosabatlari natijasidagi ta’siridir. Ular quyidagicha ro‘y beradi: