Glossariy abiotik omillar organizmlarga muhitning fizik va kimyoviy jihatlari orqali ta’sir ko‘rsatadi. Agrar islohotlar

O‘rmon kadastri o‘rmon fondining ekologik, iqtisodiy va boshqa miqdor va sifat ta’rifi to‘g‘risida tizimlashtirilgan ma’lumotlar to‘plamidir.
Foydali qazilma konlari kadastri har bir konning asosiy va birgalikda yotgan foydali qazilmalari sifati va miqdorini ta’riflaydigan, ularda mavjud komponentlarni, konni o‘zlashtirish sharoitlari, konning geologik-iqtisodiy baholanishi to‘g‘risida, shuningdek, foydali qazilmalarning aniqlangan paydo bo‘lishi to‘g‘risidagi ma’lumotlar to‘plamidir.
Friksion ishsizlik – ish qidirayotgan yoki yaqin vaqt ichida ish bilan ta’minlanishini kutayotgan ishchi kuchi.
Xalqaro mehnat taqsimoti ijtimoiy mehnatning turli davlatlar yoki davlatlar guruhi o‘rtasida taqsimlanishi, ishlab chiqarishning baynalminal miqyosda ixtisoslashuvini bildiradi, davlatlararo iqtisodiy aloqalarni zaruratga aylantiradi.
Xalqaro tartibdagi hududlar – davlat chegaralaridan tashqarida bo‘lgan va xalqaro huquqqa binoan dunyoning barcha davlatlari umumiy foydalanadigan Yer sharidagi bo‘sh makonlar.
Hududiy mehnat taqsimoti – muayyan mamlakat doirasida ayrim hududlar yoki mintaqalardagi mehnatning ixtisoslashuvi. Har bir hudud doirasida ham ichki ixtisoslashuv yuz beradi.
Davriy ishsizlik – ishlab chiqarish darajasining pasayishiga bog‘liq holda ishchi kuchiga bo‘lgan talabning kamayishi oqibatida yuzaga keladigan ishsizlik.
Chiqindilar keng ma’noda insoniyatning xo‘jalik yuritish, energiya olish oqibatida, yashashi va faoliyati jarayonida atrofmuhitga tashlab yuboradigan barcha narsalardir. Bularga atrofmuhitga tashlanadigan maishiy axlat, sanoat va qishloq xo‘jaligi chiqindilari, neft oqovalari, og‘ir metallar va zaharli moddalar, atom elektrostansiyalari chiqindilari va hokazo kiradi. Bular qattiq chiqindilar, suspenziya (biror moddaning boshqa suyuq modda ichida zarra yoki tomchi holida suzib yuradigan eritmasi), shlamlar (tog‘ jinslarini maydalaganda, burg‘ulashda hosil bo‘ladigan kukunsimon mahsulot), oqova suvlar, gazsimon chiqitlar va hokazo bo‘lib, ularning tarkibida zararli moddalari bor bo‘lgan turlari, ayniqsa, ekologik xavflidir.