Glossariy abiotik omillar organizmlarga muhitning fizik va kimyoviy jihatlari orqali ta’sir ko‘rsatadi. Agrar islohotlar

Ekstensiv iqtisodiy o‘sish – qo‘shimcha ish kuchi ishlab chiqarish vositasi va resurslarini jalb qilish hisobiga, ya’ni mehnat va moddiy resurslarni ko‘proq qo‘llash hisobiga o‘sish. Bunda oddiy mehnat sarflari qisqarmaydi, mehnat unumdorligi oshmaydi.
Ekologik audit (ekoaudit) korxonalar, kompaniyalarning ichki ekologik salohiyatini, ularning xavf-xatarlari va imkoniyatlarini doimiy tekshirib turish instrumentidir.
Ekologik monitoring atrof tabiiy muhit va uning resurslari holatini ma’lum dastur asosida muntazam kuzatish, baholash, prognozlash (bashoratlash)ning ma’lum tizimi bo‘lib, iqtisodiyekologik boshqaruv qarorlarini tayyorlash va qabul qilish jarayonlarini axborot bilan ta’minlashga xizmat qiladi. U antropogen faoliyat ta’sirida atrof-muhit holatidagi o‘zgarishlarni aniqlashga va tegishli tavsiyalarni ishlab chiqishga imkon beradi.
Ekologik resurslar biosferada ekologik muvozanatni ta’minlaydigan muhitni shakllantiruvchi komponentlarning majmuyi bo‘lib, ular insonning ijtimoiy-biologik mavjudot sifatidagi hayotining me’yoriy muhiti hisoblanadi, ekologik resurslar hayotiy muhim funksiyani bajaradigan tabiiy tizimlarga kiradi. Bu resurslarning xarakterli xususiyati shundaki, ular, asosan, jamiyatni zaruriy ne’mat shaklidagi xizmat bilan ta’minlaydi. Ekologik resurslarga havo, suv, yer (tuproq) kiradi.
Ekologik shakl – insonni biologik va ijtimoiy organizm sifatida saqlash maqsadlarida atrof tabiiy muhitni va insonning tabiiy yashash muhitini muhofaza qilish.
Ekologik ekspertiza ekologiyaning eng muhim bo‘limi bo‘lib, u atrof-muhit, tabiiy-ekologik tizimlar, inson salomatligiga ta’sir ko‘rsatadigan tadbirlarni amalga oshirishning loyihadan oldin va loyiha hujjatlari darajasida ularning ehtimol tutilayotgan zararli oqibatlarining oldini olishga yo‘naltiriladi. Ekologik ekspertiza
ogohlantiruvchi tadbir bo‘lib, tabiiy muhit va resurslardan foydalanuvchilarning zararli faoliyatini bartaraf etadi. Uning ogohlantiruvchi vazifasining mohiyati shu bilan belgilanadiki, u xo‘jalik qarorlari, faoliyati va uning natijalarini atrof tabiiy muhit muhofazasi, tabiiy resurslardan oqilona foydalanish talablariga muvofiqligini dastlabki jamiyatning ekologik xavfsizligi tekshiruvi ko‘rinishida o‘tkaziladi.