Gimnastika nazariyasi va uslubiyati

Sakrashlarni Texnika tuzilishi va asoslari 
Har qanday sakrash, uning aniq shaklidan qat‟iy nazar mazkur harakatni umumiy 
holatini ko‟rishga yordam beradigan strukturali – texnik elementlarni o‟z ichiga 
oladi. Jumladan, har bir sakrash bir qancha harakat bosqichiga bo‟linishi mumkin. 
Sakrashning tayyorgarlik bosqichi sakrashning oldingi harakatga (depsinish) 
bog‟liqdir. Bu bosqichdagi harakat butun bir sakrashning sifatiga ta‟sir ko‟rsatadi, 
shu bilan birga sakrashni oldingi harakat bilan o‟zaro bog‟liqligi xarakterini 
aniqlaydi. 
Tayyorgarlik bosqichi sakrash turiga qarab birmuncha murakkab bo‟lishi mumkin. 
Joyida sakrashda tayyorlov bosqichining harakat tuzilishi ancha oddiy. Bunday 
harakatni ikki fazaga bo‟lish mumkin. 
Qo‟llarni orqaga siltash fazasi. Joyida oyoqlarni kerib sakrashdagi qo‟llarni orqaga 
siltash ko‟rsatilgan. (1-2- kadr), gimnastikachi keyingi harakatni amalga oshirish 
uchun qo‟llarini orqaga – yuqoriga ko‟taradi. 
Bunda u ko‟pincha, oyoq mushaklarini taranglashtirib va uni keyingi portlovchi 
ishga tayyorlagan holda oyoq uchiga ko‟tariladi. Yelkadan oldingi mushaklari 
(yelkani bukuvchi) ham keyingi fazadagi harakatga tayyorlanib cho‟ziladi. 

---

6 – rasm 
 
Muvozanat 
Muvozanat
– bu asosan rivojlangan turg‟unlikni saqlash malakasini talab 
qiladigan sharoitlarda bajariladigan oyoqda tik turish turidir. 
Bunga asosan bir oyoqda tik turish kiradi, chunki ikki oyoqda muvozanat saqlash 
sharoiti tabiiyga yaqin va ma‟lum qiyinchiliklar tug‟dirmaydi (quyida ko‟rishingiz 
mumkin). 
Badiiy gimnastikada foydalaniladigan muvozanatning murakkabligi va qiyinligi 
turlichadir, chunki mazkur mashqlar qatoriga oddiy (masalan, bir oyoqda turib 
ikkinchisi oldida) hamda ancha murakkab, u bilan yonma-yon malaka va sifatlarni 
egallashni talab qiluvchi holatlarni kiritish mumkin. 

---