Гидромелиорация ишларини ташкил этиш ва технологиясининг умумий масалалари. Фан ривожининг тарихий тараққиёти

2.2. Ер ишлари хажмларини хисоблаш. Грунт массаларининг мувозанати

Бажарилган ишлар хажмини билиш уларнинг қийматини аниқлаш ва қурилиш ташкилоти учун пул маблағлари олиш, ходимларга иш хақи тўлаш, материаллар сарфини аниқлаш, кейинги ишларни режалаштириш учун зарур.

Гидротехника иншоотлари хар хил шаклларга эга бўлади. Шу боис уларни бир қанча шаклан содда участкаларга ва элементларнинг хажмларига ажратиш, улардан хар бирининг майдони ва хажмини алохида аниқлаш, сўнгра уларни қўшиб, бутун иншоот майдони ва хажмини аниқлаш лозим.
Тупроқ иншоотлар одатда қазилмалар ва кўтармалардан ташкил топади. Қазилмалар хажми зич танадаги, яъни табиий чўкиш шароитидаги грунт хажмига кўра аниқланади. Кўтармалар хажми уларнинг геометрик хажмига кўра аниқланади, улар учун зич танада (карьерларда, захираларда, ишга доир қазилмаларда) зарур грунт миқдори шиббаланиш коэффициенти хамда ташиш пайтидаги грунт исрофини хисобга олган холда топилади.
Тўғритўртбурчак шаклдаги, рахли котловандан (2.3-расм, а) олинадиган грунт хажми призматоид формуласи ёрдамида аниқланади:


V  [ab + cd + (a + c) (b + d)] H/6, (3)

бу ерда a ва b – котлован тубидаги тарафларнинг катталиги, м; c ва d – котлован сиртидаги тарафларнинг катталиги, м; H – котлован чуқурлиги, м.

Туби ва усти жойда кўпбурчак шаклидаги котловандан (2.3-расм, б) олинадиган грунт хажми Симпсон формуласи ёрдамида аниқланади:


V  (F₁ + F₂ + 4F_ўрт) H/6, (3)

бу ерда F₁ ва F₂ – котлован туби ва устининг юзаси, м²; F_ўрт – котлован баландлигининг ўртаси даражасида аниқланадиган котлован қирқимининг юзаси, у F₁ ва F₂ нинг ўртача қиймати сифатида эмас, балки унинг амалдаги ўлчамларига кўра аниқланади, м².

Туби ва усти жойда квадрат шаклида хамда рахларининг қиялиги бир хил бўлган котловандан олинадиган грунт хажми ағдарилган қирқилган пирамида формуласи ёрдамида аниқланади:


V  (F₁ + F₂ +  F₁ F₂) H/3, (4)

Ағдарилган қирқилган конус шаклидаги котловандан (2.3-расм, в) олинадиган грунт хажми қуйидаги формула ёрдамида аниқланади:

V  (R² + r² + Rr) H/3, (5)

бу ерда R ва r – котлован туби ва устининг радиуслари, м.