Geo iqtisod 9-uzb-5-2013. indd

Amaliy ish
1. Yozuvsiz xaritaga Janubi-g‘arbiy Osiyo mamlakatlarining chegaralarini tushiring va 
ularning geografik o‘rinlarini baholab bering.
2. Mamlakatlarning qanday mineral resurslarga boy ekanligini daftaringizga yozib oling.

---

163
Savol va topshiriqlar
1. Jahon siyosiy xaritasiga qarab mintaqa mamlakatlari tarkibini tushuntiring. 
2. Mintaqa mamlakatlarining iqtisodiy ko‘rsatkichlarini o‘rganing, ularni rivojlangan, 
rivoj lanayotgan va qoloq mamlakatlar guruhlariga ajrating.
3. Janubi-g‘arbiy Osiyo subregioni asosiy qazilma boyliklari va ularning konlarini 
o‘rganing, qaysi mamlakatlar nimalarga boy ekanligini aniqlang, tahlil qiling va 
xulosalar chiqaring.
53-§. Xo‘jaligi, transporti, ichki tafovutlari
Tayanch iboralar
Neft, neft qazib olish, neftni qayta ishlash, ishlov beruvchi sanoat, yengil sanoat, 
mashinasozlik, dehqonchilik, chorvachilik.
Janubi-g‘arbiy Osiyo mamlakatlarining ko‘pchiligi industrial-agrar iqti-
sodiyotga ega. Ammo mamlakatlar xo‘jaliklarining rivojlanish darajasida 
anchagina farqlar ham mavjud. Ayrim mamlakatlarda ko‘p tarmoqli industrial 
ishlab chiqarish tashkil qilingan bo‘lsa (Isroil, Turkiya, Kipr), boshqa guruh 
mamlakatlar, asosan, bir-ikki tarmoq – neft qazib chiqarish va uni qayta ishlash 
sanoati (Fors qo‘ltig‘i davlatlari) asosida jahonning eng serdaromad davlatlari 
qatorida turadi. Boshqa mamlakatlardan Eron ko‘p tarmoqli ilg‘or iqtisodiyotni 
barpo qilish yo‘lida ildam qadamlar qo‘yayotgan bo‘lsa, Afg‘onistonda ishlab 
chiqarishning barcha sohalarida qoloqlik hukm surmoqda. Lekin asosiy guruh 
mamlakatlar (Livan, Iordaniya, BAA, Turkiya, Kipr, Isroil, Saudiya Arabistoni, 
Bahrayn, Iroq) xalqaro turizmni YIM ishlab chiqarishdagi asosiy tarmoq sifatida 
tez sur’atlarda rivojlantirmoqda.