Favqulodda vaziyatlar va aholi muhofazasi

Zaruriy tadbirlar. 100m radiusda xavfli hudud izolyatsiya qilinadi, hududga faqatgina ajratuvchi gazniqobda va L-1 kostyumida kiriladi. Jabrlanganlarga birinchi yordam koʻrsatiladi, aholi xavf toʻgʻrisida ogohlantiriladi, zarur boʻlsa 5 km uzoqlikka evakuatsiya qilinadi. Himoya vositalari sifatida “K”, “KD” va yengil himoya komplekti-“L-1” ishlatiladi.
Zararsizlantirish (neytralizatsiya) – 1 tonna ammiak bugʻlarini zararsizlantirish uchun 2 tonna suv zarur boʻladi, ammiak bugʻlarini zararsizlantirish vaqtida suvni mayda purkalgan holda qoʻllaniladi, yaʼni suvni ammiakli idish ustiga toʻgʻridan-toʻgʻri sepish yoki quyish taʼqiqlanadi.
Birinchi tibbiy yordam. Jabrlanganlar ochiq havoga olib chiqiladi, imkon darajasida havosi nam, issiq boʻlgan tinch joy bilan taʼminlanadi. Teri va shilliq qavatlar suv yoki 2% li bor kislotasi bilan yuviladi. Koʻzga albutsidning 30%li eritmasidan 2-3 tomchi tomiziladi. Ammiak bilan zaharlanganda sunʼiy nafas oldirish taʼqiqlanadi.
Sulfat kislota
Fizik-kimyoviy xossalari. Rangsiz ogʻir suyuqlik. Havoda sekin bugʻlanadi, korroziyaviy hamda kuchli oksidlovchi. Suv bilan issiqlik chiqarib va sachrab reaksiyaga kirishadi. Yonmaydi. Yogʻoch jihozlarni suvsizlantirib yonuvchanligini oshiradi. Organik erituvchilarni va yogʻni alangalantiradi.
Zararlovchi konsentratsiyasi 0,4-0,5 mg/l. Oʻldiruvchi dozasi 1 soat ekspozitsiyada 1,4-1,7 mg/l.
Taʼsiri.Tomoq achishishi, nafas olish qiyinlashishi, quruq yoʻtal kuzatiladi, lablar, dahan terisi, ogʻiz shilliq qavati, oshqozon kuyishi, ovoz xirillashi, qonli ich ketishi kuzatiladi.
Zaruriy tadbirlar. Gazdan qutqaruvchilar, oʻt oʻchiruvchilar, DSENM va tez tibbiy yordam xodimlari chaqiriladi.
400 m radiusdagi hudud izolyatsiya qilinadi. Zararlangan hududga tushgan aholi xabardor etiladi, kerak boʻlganda evakuatsiya qilinadi. Himoya vositalari: “V” markali gazniqob, RPG-67V, RU-60MV, IP-4,46 resperatorlari, L-1 kostyumi.
Zararsizlantirish (neytralizatsiya) – sulfat kislota toʻkilganda uni zararsizlantirish uchun kalsiyli soda (toza holda va suvli eritmasi)dan, 20 % li kaustik soda eritmasidan, quruq ohakdan foydalaniladi. Sulfat kislotani zararsizlantirish uchun uning ustiga suv quyish juda ogʻir oqibatlarga olib keladi.