Фан бўйича талабаларнинг билим, кўникма ва малакаларига қўйиладиган талаблар

Фаннинг ўқув режадаги бошқа фанлар билан ўзаро боғлиқлиги ва
услубий жиҳатдан узвийлиги
Бу дастурни амалда бажариш учун талабалар “Иқтисодиёт назарияси”, “Макроиқтисодиёт”, “Маркетинг”, “Менежмент” фанларидан етарлича маълумотга эга бўлишлари лозим.
“Истемолчилар психологияси” фани “Маркетинг коммуникацияси”, “Стратегик маркетинг”, “Халқаро маркетинг” ва бошқа фанларни ўрганишда асос бўлиб хизмат қилади.
Фаннинг ишлаб чиқаришдаги ўрни
Мамлакатни модернизациялаш, демократик бозор ислоҳотларини янада чуқурлаштириш шароитида тадбиркорлардан истеъмолчилар психологиясини билиши ва улардан оқилона фойдалана олиш талаб этилади. Шунинг учун “Истеъмолчилар психологияси” фани асосий умумкасбий фан ҳисобланади.
Фанни ўқитишдаги замонавий ахборот ва педагогик технологиялар
Талабаларнинг “Истемолчилар психологияси” фанини ўзлаштиришлари учун ўқитишнинг илғор ва замонавий усулларидан фойдаланиш, янги ахборот-педагогик технологияларни тадбиқ қилиш муҳим аҳамиятга эга. Фанни ўзлаштиришда дарслик, ўқув ва услубий қўлланмалар, маъруза матнлари, тарқатма материаллар, электрон материаллар, виртуал стендлардан фойдаланилади. Маъруза, амалий ва лаборатория дарсларида мос равишдаги илғор педагогик ва ахборот технологияларидан ҳамда ўқув-услубий мажмуалардан фойдаланилади.


Фан бўйича маъруза мавзулари ва уларнинг мазмуни


1-мавзу. “Истеъмолчилар психологияси” фан сифатида
Иқтисодиётни модернизациялаш шароитида “Истеъмолчилар психологияси” фанини ўрганишнинг аҳамияти. Истеъмолчилар психологияси тушунчаси. Истеъмолчига таъсир этиш истиқболлари. Маркетинг. Истеъмолчини илхомлантириш ва унинг хатти-ҳаракатини илмий тадқиқ этиш. Ишлаб чиқариш йўналишидан товар йўналишига ҳаракат. “Истеъмолчилар психологияси” фанининг ривожланиши. Ташқи ўзгаришлар. Индивидуаллашган маркетинг. “Илм-маърифат ва рақамли иқтисодиётни ривожлантириш йили” давлат дастуридан ўрин олган иқтисодий масалалар таҳлили ва уларнинг ижроси.