Fakulteti fizika yo’nalishi umumiy fizika va magnetizm kafedrasi

Muammoning o’rganilganlik darajasi. Hozirgi zamon pedagogikasida integrasiya bir-biriga bog’liq bo’lgan o’quv predmetlarining tashqi analogiyasiga asoslangan sistemadir. Ko’pgina olimlar “integrasiya” atamasini shakli turlicha, mazmuni bir xil bo’lgan ta’riflarini keltirishgan. Masalan O.P.Tilyazova fikricha “integrasiyaning asosiga dunyoda hamma narsa bir-biri bilan bog’langan va sof
holda hyech narsa bo’lmaydi”. Shuningdek, “Integrasiya - sistemaning katta butunlikka qarab harakati” (I.P.Yakovlev), “Integrasiya - fanlarning bir-biriga yaqinlashishi va bog’lanish jarayoni bo’lib, predmetlararo bog’lanishni sifat jihatidan yangi sathga ko’tarishdir” (N.S.Serdikova), “Integrasiya – ta’lim mazmunini tabiat qonunlarini umumiylik va birligiga asoslangan ta’lim mazmunini tashkil qilishning yetakchi formasidir (G. A. Monoxova), “Integrasiya – ta’lim yo’nalishidagi o’quv predmetlarining qo’shilishiga asoslangan bo’lib, bilim va ko’nikmaning butunligicha yo’naltirilganligi” (V. K. Sidorenka) kabi “integrasiya” atamasiga berilgan ta’riflarini keltirish mumkin.
Ushbu sohada mamlakatimizning bir qator yetakchi olimlari va tadqiqotchilari shug’ullanib, o’ziga xos nazariy va amaliy ahamiyat kasb etuvchi natijalar olishgan. Jumladan: R. Jo’rayev [12,13], O. Abduquddusov [9,10] Kuvondiqov O., Kuvondiqov Sh. [25], M. Mamadazimov [14], U. Musayev [16], P. Musayev [17],
R. Choriyev [19], R. Safarova [20]larning olib borgan ilmiy-tadqiqot ishlari va ilmiy maqolalarida barcha umumta’lim fanlarini integrallab o’qitish masalasi atroflicha yoritilgan .
Ma’lumki, iqtisodiyot ham, jamiyat ham rivojlanuvchi dinamik sistemadir. Jamiyat iktisodiyotining rivojlanishi — bu qonuniy yo’naltirilgan, ishlab chiqarish kuchlarining o’sishi bilan munosabatlarning sifat jih atdan o’zgarish formasidir. Rivojlanish nazariyasi iqtisodiyotning o’zgarish sifatini hisobga oladi.
Fizika-matematika fanlari doktori, professor O.Quvondiqov va iqtisod fanlari nomzodi Sh. Quvondiqovlarning “Fizika va iqtisodiyot” nomli maqolasi [25] da keltirishicha “... iqtisodiyot, jumladan, tovar-pul xo’jaligi dinamik sistema xisoblanadi. Dinamik sistemalar holat tenglamalar orkali xarakterlanadi. Tovar pul xo’jaligining asosiy xarakteristikalari eng sodda holda molekulyar fizikada va termodinamikadagi Mendeleyev-Klapeyron tenglamasiga aynan o’xshash bo’ladi”