Ф. Жуманова, С. Авазова, Г. Жобборова, У. Хуснетдинов

мойили. Мазкур тамойил таълим мазмунини лойиҳалашда ўқувчиларнинг ёш 
хусусиятлари ва тайёргарлик даражаси ҳисобга олинишини назарда тутади. 
Шунга кўра, ҳар бир ёш даврига мос билим, кўникма, малака ва компетенция-
лар тизими таълим-тарбия мазмунида ўз аксини топади. 
Шундай қилиб, маърифат мазмунини лойиҳалаштиришда қуйидаги ме-
зонларга асосланилади:
1) таълим-тарбия мазмунини мустақил фикрлаш ва ахборот истеъмоли 
маданиятини шакллантириш эҳтиёжига мувофиқ лойиҳалаштириш;
2) таълим-тарбия мазмуни аниқ илмий ва амалий аҳамиятга эгалиги;
3) таълим-тарбия мазмунининг мураккаблик даражасини ҳисобга олиш, 
ўқув-тарбия дастурларининг ўқувчилар имкониятига мослиги; 
4) таълим-тарбия материаллари ҳажмининг уни ўрганишга ажратилган 
вақтга мослиги;
5) маърифий муассасалар моддий-техник базасининг замонавий талаб-
ларга жавоб бериши; 
6) таълим-тарбия мазмунини лойиҳалаштиришда илғор хорижий тажри-
баларни инобатга олиш. 
 
7.3. Маърифат (таълим, тарбия) мазмунини белгиловчи
меъёрий ҳужжатлар 
 
Таълим-тарбия мазмунини белгиловчи энг асосий меъёрий ҳужжат Дав-
лат таълим стандарти ҳисобланади. «Стандарт» инглиз тилидан таржима 
қилинганда, «меъёр», «намуна», «андоза», «модел» маъноларини англатади. 
Стандарт ёрдамида, республика миқёсидаги турли маърифий муассасаларда 
таълим-тарбиянинг барқарорлик даражасини таъминлашга эришилади, ўқув 
ишлари нормативлари мослаштирилади, ўқувчилар билимларини баҳолаш ме-
зонлари ишлаб чиқилади. 
I. Умумий ўрта таълимнинг давлат таълим стандарти. 
Умумий ўрта таълимдаги давлат таълим стандартининг мақсади - 
умумий ўрта таълим тизимини мамлакатда амалга оширилаётган ижтимоий-
иқтисодий ислоҳотлар, ривожланган хорижий мамлакатларнинг илғор тажри-
балари ҳамда илм-фан ва замонавий ахборот-коммуникация технологияларига 
асосланган ҳолда ташкил этиш, маънавий баркамол ва интеллектуал ривож-
ланган шахсни тарбиялашдан иборат.