6-мавзу: Маънавий-маърифий ишларининг такомиллашуви тарбиянинг асоси Маънавий-маърифий ишларни ташкил этишда маънавият, маърифат, мафкура ва дин масалаларининг ўзаро уйғунлиги. Маънавий-маърифий ишларнинг асосий йўналишлари

МИРЗО УЛУҒБЕК НОМИДАГИ ЎЗБЕКИСТОН МИЛЛИЙ УНИВЕРСИТЕТИ «Фуқаролик жамияти ва ҳуқуқ таълими» кафедраси 6-мавзу: Маънавий-маърифий ишларининг такомиллашуви тарбиянинг асоси

Маърузачи: проф. А.Утамуродов

Тошкент - 2022

Режа:

• Маънавий-маърифий ишларни ташкил этишда маънавият, маърифат, мафкура ва дин масалаларининг ўзаро уйғунлиги.
• Маънавий-маърифий ишларнинг асосий йўналишлари
• Маънавий-маърифий, тарбиявий ишларни ташкил этиш методикаси.

Маънавий-маърифий ишлар тушунчаси

Маънавий-маърифий ишлар – кенг оммани маънавий ва маърифий жиҳатдан тарбиялаш, уларнинг умумий маънавий савиясини юксалтириш, ижодий қобилиятларини ривожлантириш, бўш вақтларини самарали ўтказишга кўмак берувчи тадбирлар тизимини ифодаловчи тушунча.

Маънавий-маърифий ишлар мазмуни

Маънавий-маърифий ишлар мазмуни, мақсад-муддаолари ҳар бир замон ва маконнинг ижтимоий, сиёсий, иқтисодий, маданий-маърифий, ғоявий, мафкуравий хусусиятларига чамбарчас боғлиқ ҳолда шаклланади. Маънавий-маърифий ишлар тушунчаси кенг маънода ўқув муассасалари таълим-тарбия масканлари, клублар, ахборот-ресурс марказлари, маданият ва истироҳат боғлар фаолиятини қамраб олади.

Маънавий-маърифий ишлар воситалари

Маънавий-маърифий ишларда музей, кинотеатр, театр ва бошқа маданий-маърифий муассасалар, ОАВ (газета, журналлар, Интернет, радио, ТВ) муҳим ўрин тутади. Маънавий-маърифий ишлар муассасаларининг кенг тармоғининг ташкил этилиши, уларнинг ўсиши ва такомиллашуви билан унга раҳбарлик қилиш жараёни ҳам мукаммаллашиб боради.

Маънавий-маърифий ишлар йўналишлари

Инсон дунёқарашини шакллантириш, маънавий-ахлоқий тарбия, ғоялар тарғиботи, иқт-й билимларнинг илмий-техникавий тарғибот-ташвиқоти, эстетик ва жисмоний тарбия, бадиий ҳаваскорлик, маданий дам олишни ташкил этиш, ёш истеъдодларни ҳар томонлама қўллаб-қувватлаш маънавий-маърифий ишларнинг турли йўналишларидир.