Ер тузишни лойихалаш

Қишлоқ хўжалигига мўлжалланган ерлар
- қишлоқ хўжалик 
эхтиёжлари учун берилган ёки ана шу мақсадга мўлжалланган ерлар. 
Қишлоқ хўжалигига мўлжалланган ерлар қишлоқ хўжалигини юритиш 
учун зарур бўлган қишлоқ хўжалиги ерлари ва дарахтзорлар, хўжаликдаги 
ички йўллар, инженерлик тармоқлари, ўрмонлар, ёпиқ сув ҳавзалари, 
бинолар, иморатлар ва иншоотлар эгаллаган ерларга ажратилади. 
Ҳайдаладиган ерлар, пичанзорлар, яйловлар, ташландиқ (бўз) ерлар, 
дов-дарахтлар (боғлар, узумзорлар, тутзорлар, кўчатзорлар ва бошқ.) 
эгалланган ерлар қишлоқ хўжалиги ерлари жумласига киради. Қишлоқ 
хўжалиги ерлари махсус муҳофаза қилиниши керак.
Қишлоқ хўжалигига мўлжалланган ерларни қишлоқ хўжалигидан ўзга 
эҳтиёжлар учун бошқа тоифадаги ерларга ўтказишга алоҳида ҳолларда, «Ер 
кодекси» ва бошқа қонун ҳужжатларига мувофиқ йўл қўйилади. 
Қишлоқ хўжалиги ерларини ирригация ва сувдан фойдаланиш тизимига 
асосланган сунъий суғориш, қишлоқ хўжалиги ишлаб чиқаришини ташкил 

---

50 
этишнинг асоси ва ерлардан самарали фойдаланиш ҳамда уларнинг 
унумдорлигини ошириш шартидир. 
Бу тоифадаги ерлар таркибида қишлоқ хўжалик ер турлари 79,5%, 
ҳайдалма ерлар эса 15,7% ташкил этади. 
Аҳоли пунктлари ерлари
- шаҳарлар, қишлоқлар чегара (чизиғи) 
ичидаги ерлардир.
Ҳозирги вақтда 120 шаҳар ва шаҳарчалар, 1456 қишлоқлар мавжуд 
бўлиб, улар 232,7 минг га ерни эгаллаб туришибди. 
Аҳоли пунктлари ерлари таркибининг 3,9% қишлоқ хўжалиги ерларига 
тўғри келади, қурилиш тагидаги ҳудуд эса 9% ташкил этади. 
Саноат, транспорт, алоқа, мудофаа ва бошқа мақсадларга 
мўлжалланган
 
ерлар
 
- кўрсатилган мақсадларда фойдаланиш учун ҳуқуқий 
шахсларга берилган ерлардир.
Саноат мақсадларига мўлжалланган ерларга саноат корхоналарига, шу 
жумладан кон саноати, энергетика корхоналарига, ишлаб чиқариш ва 
ёрдамчи бинолар ҳамда иншоотлар қуриш учун доимий фойдаланишга 
берилган ерлар киради.
Транспорт мақсадларига мўлжалланган ерларга кабель, радио ва ҳаво 
алоқа тармоқлари ва электр узатиш тармоқлари тагидаги ва улар ўтган 
ерларга туташ ерларда, қонун ҳужжатлари билан белгиланган тартибда, 
муҳофаза минтақалари учун ажратилган ерлар киради. 
Қуролли кучлар, чегара, ички ишлар ва темир йўл қўшинларининг 
ҳарбий қисмлари, ҳарбий ўқув юртлари, корхоналар, муассасалар ва 
ташкилотларнинг жойлашуви ҳамда доимий фаолияти учун берилган ерлар 
мудофаа эҳтиёжлари учун мўлжалланаган ерлар деб эътироф этилади.