Ер тузишни лойихалаш

Табиатни 
муҳофаза 
қилиш, 
соғломлаштириш, 
рекреация 
мақсадларига мўлжалланган ерлар
-
алоҳида муҳофаза этиладиган табиий 
ҳудудлар эгаллаган, табиий даволаш омилларига эга бўлган ерлар, 
шунингдек оммавий дам олиш ва туризм учун фойдаланиладиган ерлардир; 
Табиатни муҳофаза қилиш мақсадларига мўлжалланган ерлар жумласига 
давлат қўриқхоналари, миллий ва дендрология боғлари, ботаника боғлари, 
табиат ёдгорликларининг белгиланган тартибда корхоналар, муассасалар ва 
ташкилотларга махсус мақсадлар учун берилган ерлари киради. Мазкур 
ерларда уларнинг белгиланган мақсадларига зид бўлган фаолият 
тақиқланади. 
Соғломлаштириш мақсадларига мўлжалланган ерлар жумласига табиий 
шифобахш омилларга эга бўлган, касалликларнинг олдини олиш ва 
даволашни ташкил этиш учун қулай, белгиланган тартибда тегишли 
муассасалар ва ташкилотларга доимий фойдаланишга берилган ер 
участкалари киради. 
Рекреация мақсадларига мўлжалланган ерлар аҳолининг оммавий дам 
олиши ва туризмни ташкил этиш учун тегишли муассасалар ва 
ташкилотларга берилган ерлардир. 

---

51 
Тарихий-маданий аҳамиятга молик ерлар
- 
тарихий-маданий 
ёдгорликлар жойлашган ерлардир. Улар жумласига тарихий-маданий 
қўриқхоналар, меъмориал боғлар, мозорлар, археология, тарих ва маъданият 
ёдгорликларининг тегишли муассасалар ва ташкилотларга доимий 
фойдаланишга берилган ерлари киради.
Ўрмон фонди ерлари
 - 
ўрмон билан қопланган, шунингдек ўрмон билан 
қопланмаган бўлса ҳам, ўрмон хўжалиги эҳтиёжлари учун берилган 
ерлардир. Улар ўрмон хўжалиги корхоналари тасарруфида бўлишади. 
Бошқа мақсадларга мўлжалланган ерлар ўрмонзорлар барпо этиш, 
жарликларнинг кенгайишини тугатиш, шаҳарлар ва саноат марказлари 
атрофида иҳота ўрмонлари ва кўкаламзор минтақалар яратиш учун 
белгиланган тартибда ўрмон фонди ерлари таркибига ўтказилиши мумкин. 
Шунингдек ўрмон фонди ерлари қишлоқ хўжалиги учун корхоналар, 
ташкилотлар ва муассасаларга вақтинча фойдаланишга туман ҳокими 
томонидан, ўрмон хўжалиги давлат органлари билан келишилган ҳолда, 
ижара шартлари асосида берилиши мумкин.