Ensiklopediyasi

ERON
Maydoni -16 4 8 0 0 0 kvadrat kmlometr.
Aholisi - 64000 000 kishi.
Eron hududining anchagina qismini tog'lar va 
baland tekisliklar egallaydi, bu yerda yoz juda 
issiq, qish esa sovuq. Faqat Kaspiy dengizining 
sohil bo'yi pasttekisligida yil bo'yi iliq va nam
bo'lib, doimiy yashil, qalin va sershox daraxtli 
o'rmonzorlar mavjud.
Mamlakatning sharq tomonini deyarli odam 
yashamaydigan Katta tuzli cho'l egallagan. 
Lining qizg'ish gilli yuzasi g'ichirlaydigan tuz qat­
lami bilan qoplangan, hatto bu yerdan oqib 
o'tadigan daryolarning suvi ham sho'r. Eng ba­
land tog'lar mamlakatning janubiy va g'arbiy 
chekkalarida qad ko'targan.
Tog' tizmasi etagida Eronning poytaxti — 
Tehran shahri joylashgan. Shahar chekkalarida 
pastqam oqish uylar, guvalali tekis tomli kulba- 
lar, markazida esa baland binolar, yashil libos- 
ga burkangan park, bog' va xiyobonlar joylash­
gan. Rang-barang gumbazli va baland mezanali 
naqshin machitlar ko'p. Uzoqdan abadiy qor bi­
lan qoplangan so'ngan vulkan cho'qqisi yar- 
qirab ko'rinib turadi.
Isfahon. Naqshi jahon maydoni.
www.ziyouz.com kutubxonasi

---

Eron — ko'p millatli davlat. Bu yerda 
forslar, kurdlar, turkm anlar, balujlar va 
boshqalar yashaydi.
Eronliklar asosan tog'lar oralig'idagi keng 
vodiylarda yashashadi. Bu yerlardan jo'shqin 
daryolar oqib o'tadi, ularning atrofida hosildor 
maydonlar ko'p. Yirik, qadimiy shaharlar ham 
shu yerlarda joylashgan.
Eronda: «Suv tugagan joyda yer ham 
tugaydi», — degan naql bor. Dalalarga suv 
daryolardan va suv omborlaridan kanallar 
orqali, sizot suvlar yig'iladigan yer osti suv 
havzalaridan taraladi.
Bug'doy, sholi, arpa, paxta, qand lavlagi, 
tamaki, kungaboqar, soya, kunjut yetishtirila­
di. Suv bor bo'lgan barcha yerlarda bog'lar, 
tokzorlar, yong'oqzorlar ko'p. Bog'larda 
apelsin, olma, nok, anor, o'rik, shaftoli, behi, 
janubda esa xurmo daraxtlari ham o'stiriladi.
Bu yerda qo'y, echki, sigir, qo'tos, eshak 
va boshqa hayvonlar boqiladi.
Eron davlati ikki yarim ming yildan beri 
mavjud. Asrlar davomida Eron hayot lazzati- 
ni tarannum etgan shoirlari, yuksak iste’dodli 
rassom va quruvchilari, mohir to'quvchi va 
bog'bonlari bilan shuhrat qozongan.
Mamlakat janubida, Fors qo'ltig'i sohilida 
juda ko'p miqdorda neft va gaz olinadi. Neft 
boshqa mamlakatlarga maxsus kema — 
tankerlarda tashiladi. Eron bilan O'zbekiston 
Respublikasi o'rtasida diplomatiya munosa- 
batlari 1992-yilda o'matilgan.
ERTAK
Inson qadim zamonlardan buyon tabiat 
kuchlarining mohiyatini anglash, ularni o'ziga 
bo'ysundirish, dunyoda ro'y berayotgan vo- 
qea-hodisalarni tushunish, adolat, baxt-sao- 
datni orzu qilgan. Barcha xalqlarning orzu- 
niyatlari aslida bir-biriga hamohang bo'lsa- 
da, ularni har bir xalq o'zicha ifodalagan. 
Xalqlarning ana shu orzu-niyatlari ifodasi 
o'laroq xalq og'zaki ijodida ertak janri may- 
donga kelgan.
Xalq ertaklari barcha xalqlar og'zaki ijodi- 
ga xos qadimiy janrdir. Har bir xalq ertaklari- 
da mazkur xalqning dunyoqarashi, milliy