Ёнfин хавфсизлиги

52. Касб тайёргарлигини режалаштирувчи асосий ҳужжатлар /2/
Касб тайёргарлигини режалаштирувчи асосий ҳужжатлар қуйидагилардан иборат:
- ИИВ, ИИБ ЁХБ да (гарнизонда, отрядларда) ёнғин ўчириш тактик машғулотларни (машқ), шахсий таркибни оловли йўлда руҳий тайёрлашни ва ҳимояловчи газниқобларда машқ қилдиришни, тезкорлик режалари ва варақалари бўйича амалий машғулотларни ўтказишни, махсус асбоб-ускуна ва ёнғин ўчириш қуроллари билан ишлашни, муҳофаза қилинаётган туман (корхона) ларни амалий-тактик равишда ўрганишни, гарнизонларда, ёнғин хавфсизлиги қисмларида касб тайёргарлиги машғулотлари ўтказишни назорат қилишни, йиғилишлар, суҳбатлар ва амалий синовдан ўтказиш ҳамда касб тайёргарлигини бошқа масалаларини ўз ичига олган касб тайёргарлиги режа-жадвали (йиллик);
- ёнғин хавфсизлиги қисмида – фанлар бўйича вақтлар тақсимланган ва ўтказилиш ойлари белгиланган йиллик режа, ИИВ, ИИБ ЁХБ томонидан тасдиқланган касб тайёргарлиги ўқув йилига мавзувий режаси 1 ойлик дарс жадвали режалаштирилган ва текширув ёнғин ўчириш амалий машғулотлари ўтказиш (тунда ва кундузи), шахсий таркибни тутунхоналарда ҳимояланган газниқобларда машқ қилдириш, тезкорлик режалари ва варақалари бўйича амалий машғулот ўтказиш, муҳофаза қилинаётган ҳудуд (корхона)ларни амалий-тактик равишда ўрганиш режа-жадвали, ўқув машғулотлари жадвали (10-илова).
Тайёрланадиган ҳужжатлар тегишли раҳбарлар томонидан тасдиқланиши ва бир йил давомида сақланиши лозим.
Касб тайёргарлиги бўйича ишлаб чиқиладиган ҳужжатларнинг сифатига ва муддатига:
- ИИВ, ИИБ ЁХБ да ёнғин хавфсизлиги бўлинмалари жанговар тайёргарлигини ташкил этиш ва мувофиқлаштириш бўлими бошлиқлари;
- бўлим (бўлинма), отряд, қисм ва ўқув бўлинмалари бошлиқлари жавобгардирлар.
Касб тайёргарлигини ташкил қилиш учун қарор қабул қилишдан олдин буйруқлар, кўрсатмалар, режалар ўрганилади, касб тайёргарлигининг ўтган давридаги якунлари таҳлил қилинади, ютуқ ва камчиликлар аниқланади, касб тайёргарлигининг асосий чора-тадбирлари белгиланади.