Ёнfин хавфсизлиги

55. Экипаж командирларининг касб тайёргарлиги /2/
Экипаж командирларининг тайёргарлиги касб тайёргарлиги дастури бўйича оддий ходимлар таркиби билан биргаликда ҳамда ҳар ойда 4 соатдан улар учун ташкил этиладиган йўриқнома услубий машғулотларида ўтказилади, бунга хизматдан бўш барча экипаж командирлари жалб қилинади.
Экипаж командирлари учун ташкил этиладиган машғулотларда қуйидагилар ўрганилади:
- низом, қўлланмалар, буйруқлар ва бошқалар;
- шахсий таркиб билан ишлашнинг илғор усуллари;
- экипажларнинг ёнғин ўчириш вақтида газ ва тутундан ҳимоялаш экипажларининг нафас олишга яроқсиз жойларда ишлашларини ташкил қилиш;
- ёнғинни олдини олиш масалалари;
- технологик жараёнларнинг, қурилма ва асбоб-ускуналарнинг ҳамда моддаларнинг ёнғин хавфи;
- чиқиш туманидаги (корхонадаги) ёнғин ўчириш сув тармоқларини ва бино-иншоотларнинг тезкор-тактик хусусиятлари;
- янги ёнғин ўчириш техникалари;
шахсий таркиб билан машғулот ўтказиш усуллари.
Машғулотларнинг ҳажми ва мазмуни қисм бошлиғи томонидан тасдиқланадиган мавзувий режа ва дарс жадвали билан белгиланади.
Экипаж бошлиқларининг маҳоратларини ошириш мақсадида 5 йилда 1 марта 30 кунгача муддатга ИИВ, ИИБ ЁХБ ишлаб чиққан дастур бўйича ўқув йиғини ўтказилади.


56. Кичик инспекторларнинг касб тайёргарлиги /2/
Кичик инспекторларни тайёрлаш хизмат вақтида ўтказиладиган машғулотларда, кеча-кундуз давомида хизмат қиладиган шахслар билан эса хизматдан бўш вақтида бир ойда 4 соатдан ўтказилади.
Машғулотларда қуйидагилар ўрганилади:
- ёнғинни олдини олиш ишларини белгиловчи асосий қўлланма ҳужжатлари;
- ички ишлар ва ёнғин хавфсизлиги буйруқ ва низомлари;
- ёнғин-техник назоратини ташкил қилиш ва ўтказиш усуллари;
- аҳоли турар жойларидаги ёнғин хавфсизлиги қоидаларини ўрганиш, ишчи ва хизматчилар билан ёнғинга қарши йўриқнома ўтказиш тартиби;
- содир бўлаётган ёнғинлар сабаблари ва корхонанинг ёнғинга қарши ҳолати таҳлилидан келиб чиқиб, амалий чора-тадбир кўриш тартиби;
- очиқ ёнғин билан боғлиқ ишларни назорат қилишни ташкил этиш;
- корхонадаги ёнғинга қарши тузилма ва жамоатчилик билан ишлаш усуллари;
- ёнғинга қарши меъёр ва қоидалар;
- технологик жараёнларда ёнғин чиқиш хавфи ва уларни камайтириш чора-тадбирлари;
- корхонадаги ёнғин ўчирувчи автоматик қурилмалар ва шу кабилар.
Бу машғулотларда тажриба алмашиш бўйича суҳбатлар жорий қилиш зарур.
Ёнғин хавфсизлиги қисмлари бошлиқларига кичик инспекторларни қизиқтираётган мавзулар бўйича катта ва ўрта бошлиқлар таркиби билан ўтказиладиган хизмат тайёргарлиги машғулотларига жалб қилишга рухсат этилади.
Кичик инспекторлар бир сектордан иккинчи секторга ўтказилганларида 6 кун давомида муҳандис-инспекторлар таркиби бошчилигида амалий синов давридан ўтадилар. Амалий синов даври дастурини кичик инспектор хизмат қилаётган қисм бошлиқлари ишлаб чиқадилар ва уни ташкил қилишни ички ишлар идораларининг бошлиқлар ва оддий ходимлар таркибини мутахассислиги бўйича тайёрлаш қўлланмаси талаблари асосида олиб борилишини таъминлайдилар.
Кичик инспекторларнинг малакаларини ошириш учун 5 йилда камида бир марта 2 ойгача муддатда ўқув йиғинлари (ишдан ажралган ҳолда) ўтказилади.
Йиғинлар иложи борича ёнғин хавфсизлиги қисмлари муҳофаза қилаётган корхоналар технологик жараёнларининг бир бирига яқинлигини ҳисобга олинган ҳолда ўтказилади.
Йиғинлар дастурлари ИИВ, ИИБ ЁХБ томонидан жойларнинг хусусиятлари, тингловчиларнинг тайёргарлиги ва тажрибаларига қараб ишлаб чиқилади.
Халқ хўжалигининг нефт-кимё ва бошқа ёнғин чиқиш хавфи кучли бўлган корхоналарни муҳофаза қилаётган ёнғин хавфсизлиги қисмлари бошлиқлари кичик инспекторларни технологик жараённи ўрганишлари учун корхона маъмурияти томонидан ташкил қилинадиган машғулотларга ишдан ажратмаган ҳолда юборишлари мумкин.