Ёнfин хавфсизлиги

64. Ёнғин ўчириш гуруҳларида хизмат вазифаларининг тақсимланиши /6/
ЁЎШ ходимларининг хизмат вазифалари гарнизон хусусиятини, жойдаги шароитни ҳисобга олиб тузилади ва навбатчи гуруҳлар ўртасида баробар бўлинади (1-илова).
Тезкорлик хизмати фаолиятининг асосий йўналишлари штаб навбатчи гуруҳлари ўртасида тақсимланади:

Биринчи навбатчи гуруҳнинг вазифалари:

-Гарнизонда газ ва тутундан ҳимоялаш хизматини ташкил қилиш;
-катта ва мураккаб ёнғин ўчириш таянч масканлари ишини ташкил қилиш, ҳамда ЎзР ИИВнинг Ёнғин хавфсизлиги хизмати бўлинмалари шахсий таркибини тайёрлаш Дастури асосида машғулот ўтишни ташкил қилиш;
-гарнизонда меҳнатни ҳимоялаш, техника хавфсизлиги ва ишлаб чиқариш санитария тадбирларининг ўтказилишини назорат қилиш;
-ёнғин ўчириш техника ва анжомларининг синовдан ўтказилишини ташкил қилиш;
-ёнғин ўчириш автомобилларида ёнғин ўчириш техник анжомларини жойлаштириш, сонини ва ҳолатини назорат қилиш.

Иккинчи навбатчи гуруҳнинг вазифалари:

-ёнғин ўчириш бўйича ҳужжатларни биргаликда ҳаракат қилиш кўрсатмаси, ёнғин ўчириш тезкор режалари ва варақаларни тузишни назорат қилиш, тузиш ва ўзгартириш киритиш, жанговар ҳаракатни таҳлил қилиш ва ёнғин ўчириш бўлинмаларининг жанговар тайёргарлигини ошириш тадбирларини ишлаб чиқиш;
-жойларда ёнғинга қарши сув хўжалигини такомиллаштириш ишларини ташкил қилиш, сув манбаларининг ишлатилиши ва ҳолатини назорат қилишнинг;
-бўлинмаларнинг ёнғин ўчириш сув узатгичлари ва сув ҳавзаларини ҳисобга олувчи ҳужжатлар билан таъминлаш, сув манбаларининг планшетини ва маълумотномасини тузиш ва ўзгартириш киритиш, сув манбаларини кўрсаткичлар билан таъминланганлигини назорат қилиш;
-ёнғин ўчириш ташқи сув таъминотини техник соз ҳолатда сақлаш масалалари бўйича сув хўжалиги хизмати ва бошқа корхоналар билан биргаликда ҳаракатда бўлиш;
-бўлинмаларда ёнғин ўчириш енгларини таъмирлаш, сақлашни назорат қилиш ва фойдали ишлатишни ташкил қилиш;
-ёнғин ўчириш ва тайёргарлигини мукаммаллаштириш, хизматни ташкил қилиш масалаларида илғор иш тажрибаларини ўрганиш ва амалда жорий қилиш;
-ўта тез таъсир этувчи заҳарли радиоактив ва портловчи моддалар ишлатиладиган корхоналарда ва баланд қаватли биноларда ёнғин ўчиришни ташкил қилиш тадбирларини ишлаб чиқиш, махсус бўлинмаларни ҳисобга олиш ва тайёрловни ташкил қилиш ҳамда ЎзР ИИВ "Ёнғин хавфсизлиги хизмати бўлинмалари шахсий таркибини тайёрлаш Дастури" асосида машғулот ўтишни ташкил этиш.

Учинчи навбатчи гуруҳ вазифалари:

-ёнғин хавфсизлиги гарнизонларида оддий ва бошлиқлар таркиби билан жанговар тайёрловни ташкиллаштириш ва назорат қилиш;
-гарнизон ва смена хизматини ташкил қилиш ва уни такомиллаштириш тадбирларини тузиш;
-гарнизон бошлиқлар таркиби билан штабда ва ёнғин хавфсизлиги МДХ қошида тажриба ўрганишни ташкил қилиш;
-бошлиқлар таркибига даража малакасини бериш ва ёнғин ўчириш раҳбари, штаб бошлиғи, таъминот бошлиғи, ёнғин хавфсизлиги МДХ алоқа воситалари бўйича катта омилкори вазифаларини бажаришга рухсат бериш учун имтиҳонларни (синов) қабул қилиш, керакли ҳужжатларни расмийлаштириш;
-гарнизонларда ёнғин хавфсизлиги МДХни такомиллаштириш тадбирларини ишлаб чиқиш ва амалда жорий қилиш;
-шахсий таркиб билан руҳий тайёргарлик, ёнғин ўчириш саф меъёрларини бажариш тадбирларини ишлаб чиқиш ва ўтказиш;
Доимий ҳаракатдаги тезкорлик маҳоратни ошириш мақсадида семинар ишларини ташкил қилиш ва олиб бориш;

Штаб бошлиғининг сафарбарлик ишлари бўйича ўринбосари

Штаб бошлиғининг сафарбарлик ишлари бўйича ўринбосари ҳамда штаб бошлиғининг ўринбосарининг ўзи дала алоқа масканининг бошлиғи ҳисобланади ва тинчлик ва ҳарбий ҳолатда ўз хизмат вазифаси бўйича сафарбарлик ишларида алоҳида режа бўйича иш олиб боради.