Ёнfин хавфсизлиги

61. Жанговар ва касбий тайёргарлик амалий машғулотларини ўтказиш мобайнида риоя қилиниши лозим бўлган хавфсизлик техникаси қоидалари /5/
Ёнғин ўчириш, машғулот ўтказиш ва амалий машғулотларни ташкил қилиш ёнғин хавфсизлиги хизмати жанговар низомининг иш бажаришда хавфсизликни таъминлаш қисми талабларига мос равишда ўтказилади.
Хизматни ўташ даврида шахсий таркиб хавфсиз шарт-шароитларда ишлаши мақсадида, ёнғинни ўчиришда, машғулот ўтишда (ҳалокатларни ва табиий офатларни бартараф қилишда) ёнғинни ўчириш штаби ходимлари, ёнғинни ўчириш раҳбарлари, ёнғин хавфсизлиги гарнизони, отряд ва қисмлари бошлиқлари:
а) меҳнат талаб қиладиган ишларини механизациялаш ва меҳнат шароитини енгиллаштириш учун чора-тадбирлар кўриши;
б) ёнғинни ўчиришда (ҳалокатда, табиий офатда) ишлаётган ва қатнашаётганларга оғир шароитда ишлаш қоидалари тўғрисида йўл-йўриқлар кўрсатишни таъминлаши;
в) шахсан, ёки смена ва жанговар участкалар бошлиқлари ҳамда экипаж командирлари орқали шахсий таркибнинг ҳаракатларини доимий кузатиш ва бахтсиз ҳодисаларнинг олдини олишга доир чоралар кўриши;
г) узоқ давом этадиган ёнғинларни ўчиришда ишлатаётганларни ўз вақтида алмаштиришни уюштириш, уларга озиқ-овқат, ичимлик суви ва дам олишларини таъминлаши;
д) жароҳатланганларга тезда ёрдам кўрсатиши мажбурийдир


62. Ёнғин ўчириш штабининг асосий вазифалари /6/
ЁЎШнинг асосий вазифалари қуйидагилардан иборат:
-ёнғин хавфсизлиги гарнизонлари навбатчи смена хизматининг жанговар ҳолатини назорат қилиш;
-ёнғин хавфсизлиги гарнизонларининг тезкор вазиятини доимий равишда назорат қилиш, ундаги ўзгаришни ўрнатилган тартибда ўз вақтида ҳал қилиш, куч ва воситаларни тезкорлик билан бошқариш;
-ёнғин хавфсизлиги бўлинмаларига ёнғин ўчиришда ёки табиий офат ва фалокат асоратларини бартараф этишда раҳбарлик қилиш;
-содир бўлиши мумкин бўлган ёнғин, фалокат ва табиий офатларни бартараф этишга қаратилган тезкор-тактик тадбирларни ишлаб чиқиш ва бажариш;
-бўлинмалар жанговар тайёргарлигини назорат қилишни таъминлаш ва уларга керакли ёрдам кўрсатиш. Жой шароитига қараб корхоналарда ёнғин хавфсизлиги посбони, кўнгилли ёнғин ўчириш дружинаси, ёнғин ўчириш гуруҳи, ёнғин ўчириш ва соқчилик таркибидаги техникаларни чиқиш тартибини назорат қилиш;
-шахсий таркибни касбий , руҳий ва жанговар тайёргарлигини такомиллаштириш;
-жойлардаги ёнғин хавфсизлиги хизматларининг бошқа махсус хизматлар билан ҳамкорликдаги ҳаракатларини, ёнғин ўчириш, хизматни ташкил қилишни аниқлайдиган ҳужжатларини тузиш ҳамда тузатиш киритиш ва амалда ишлаб чиқиш;
-газ ва тутундан ҳимоялаш хизматидан унумли фойдаланишда амалий тадбирлар ишлаб чиқиш ва машғулотлар ўтказиш;
-ёнғин ўчиришни ташкил қилиш масаласида ёнғин хавфсизлиги марказий диспетчерлик хизматига раҳбарлик қилиш;
-хизмат ва ёнғин ўчиришни ташкил қилишда илғор иш тажрибаларини умумлаштириш ва амалда жорий қилиш;
-гарнизон ёнғин хавфсизлиги бўлинмаларининг касбий, жанговар тайёргарлиги ва хизмат ҳолатини ўрганиш, таҳлил қилиш, ҳамда уларни такомиллаштириш тадбирларини тузиш.
ЁЎШнинг асосий иш фаолияти қуйидагилардир:
-юқори жанговар қобилият, чуқур ва ҳар томонлама тезкорлик билан вазиятни билиш;
-давлат ва хизмат сирларини аниқ бажариш;
-раҳбарлик ҳужжат талабларини аниқ бажариш;
-фуқароларга хушмуомалали ва эътиборли бўлиш.