Energetika fakulteti

Bitiruv malakaviy ishning hajmi va mazmuni



2.1. Umumiy ma’lumotlar

Malakaviy ish berilgan topshiriq asosida shaxsan talaba tomonidan bajariladi. Malakaviy ishning har bir bo‘limi muvofiq asoslar, echimlar va xulosalar bilan yoritiladi. Malakaviy ishda ilgari bajarilgan ishlarning natijalaridan yoki boshqa mualliflarning (ilmiy ma’ruzalar va maqolalari, hisob grafika ishlari, kurs ishlari va loyihalari) ishlaridan nomlari, ko‘rsatilgan holda foydalanish mumkin.

Malakaviy ish tushuntirish va grafik qismlardan iborat bo‘ladi.
Tushuntirish qismi malakaviy ishning mazmunini qisqa va muayyan shaklda ifodalashi lozim. Tushuntirish qismiga grafiklar, rasmlar, eskizlar, diagrammlar, sxema va boshqalar, shuningdek, zaruriy qo‘shimcha axborot yozilgan disketlar ilova etiladi. Tushuntirish qismi qo‘lyozma tarzida rasmiylashtirilgan bo‘lishi shart. Tushuntirish qismi kamida 10-12 ming so‘z xajmida (75-100 varaqda) belgilanadi.
Ishning mazmuni va o‘ziga xos xususiyatlarini to‘la aks ettirish maqsadida grafik qismi kamida 4 varaqli chizmadan iborat bo‘lishi talab qilinadi.
Kafedraning tavsiyasiga binoan malakaviy ish chet tillarning birida bajarilishi mumkin. CHet tilida bajarilgan ishga davlat tilidagi annotatsiya ilova etiladi va himoya vaqtida tarjima ta’minlanadi.
2.2. Tushuntirish qismi


2.2.1. Bitiruv malakaviy ish tushuntirish qismining asosiy bo‘limlari

Bitiruv malakaviy ishning tushuntirish qismiga quyidagi asosiy bo‘limlar kiritiladi:

Annotatsiya;
Kirish;
Adabiyotlar obzori;
Asosiy qism;
Xavfsizlik texnikasi, mehnat va atrof –muhitning muhofazasi;
Xulosa.


2.2.2. Annotatsiya

Annotatsiya – u bir varaqdan iborat bo‘lib, unda bitiruvchi oldiga quyilgan asosiy vazifalar, loyihalashtirish ob’ektlarining xususiyatlari, masalalarni echish yo‘llari va olingan natijalarning qisqacha ta’rifi beriladi.

2.2.3. Kirish

Bitiruv-malakaviy ishning kirish bo‘limida:

• 
  bajariladigan vazifalarning umumiy qo‘yilishi beriladi;
  
• 
  mavzuning dolzarbligi yoritiladi;
  
• 
  ko‘rib chiqilayotgan masalalarni echishning ishlab chiqarish uchun ahamiyati ifodalanadi,
  
• 
  ushbu yo‘nalishdagi qurilmalari va tizimlarining taraqqiyot yo‘llari ko‘rsatiladi.