Energetika fakulteti

1.3. Bitiruv malakaviy ishni himoyaga tayyorlash va uni himoya qilish tartibi

Tugallangan va belgilangan tartibda rasmiylashirilgan (2.4. va ilovalarga qarang) malakaviy ish talaba tomonidan rahbarga taqdim etiladi. Rahbar, ish talab darajasida bajarilganligiga ishonch bildirgandan so‘ng, ishni o‘z fikrnomasi bilan birga kafedra mudiriga taqdim etadi. Fikrnomada talabaning faolligi, qabul qilingan echimlardagi yangiliklar va ishning boshqa ijobiy tomonlari tavsiflanadi.

Kafedra mudiri taqdim etilgan materiallar asosida ishni talaba tomonidan DAK da himoya qilishga kiritish xaqida qaror qabul qiladi. Himoyaga kiritilgan ish taqrizga yuboriladi. Taqrizchilar tarkibi asosan bitiruvchilarni ishga qabul qiluvchi soha mutaxasislari safidan tanlanadi.
Fakultet dekani malaaviy ishni taqriz va fikrnoma bilan birgalikda himoya uchun DAK ga yuboradi.
Malakaviy ishlar himoyasi DAKlarning ochiq majlislarida, a’zolarning uchdan ikki qismi ishtirok etgan holda o‘tkaziladi. Himoya natijalari o‘zlashtirish ko‘rsatkichlari (foiz hisobida) bilan aniqlanadi va attestatssiya komissiyasining majlis bayoni berilgan tartibda rasmiylashtirilgandan so‘ng shu kunning o‘zida e’lon qilinadi.
DAK bitiruvchilariga ta’lim yo‘nalishi bo‘yicha malaka berish va tayanch oliy ma’lumot to‘g‘risidagi diplomni berish haqida qarorni, faqat ularning yakuniy davlat attestatsiyasi tarkibiga kiritilgan attestatsiya sinovlarining barcha turlaridan muvaffaqiyatli o‘tgan holdagina, qabul qiladi. DAK larning qarorlari yopiq majlislarda, ochiq ovoz berish yo‘li bilan, majlisda ishtirok etuvchilarning ko‘pchilik ovozi bilan qabul qilinadi.
Malakaviy ish himoyasi uchun berilgan muddatda o‘ta olmagan yoki qoniqarsiz o‘zlashtirishga erishgan talaba, institutni bitirgandan so‘nggi uch yil davomida himoyaga qayta kiritiladi. Himoyadan qayta o‘ta olmagan talaba, akademik ma’lumotnoma oladi.
Uzrli sabab bilan himoyada qatnasha olmagan talabalar rektoning qarori bilan DAK ishining yakunlanishiga qadar boshqa muddatlarda himoyaga kiritilishi mumkin.
Qoniqarsiz o‘zlashtirish ko‘rsatkichlariga erishgan bitiruvchiga DAK yangi mavzu berilish yoki o‘sha mavzuni qaytadan himoya qilish xuquqini beruvchi qaror qabul qiladi. Instituitning kunduzgi bo‘limini bitirga, lekin malakaviy ishni o‘z vaqtida bajarmagan yoki qoniqarsiz ko‘rsatkichga erishgan talaba ishga jo‘natiladi. Bu xaqda talabaga berilgan namunadagi ma’lumotnoma beriladi.

2.