Energetika fakulteti

2.2.4. Adabiyotlar obzori
Adabiyotlar obzori texnik adabiyotlardan, Internet ma’lumotlaridan foydalanib bajariladi va quyidagilarni o‘z ichiga oladi:

• 
  mavzuga oid asosiy texnologik jarayonlarning tavsifi va ularning xususiyatlari;
  
• 
  bitiruv ishi mavzusi ob’ekti tizimlariga quyiladigan talablar;
  
• 
  ish mavzusiga mos sohaning o‘tmishi va hozirgi ahvolining qisqacha tahlili;
  
• 
  mavzuga oid mavjud texnik echimlar;
  
• 
  qaralayotgan masalaning mohiyatini tushuntiruvchi chizma va grafiklar.
  

2.2.5. Asosiy qism

Bitiruv ishining asosiy qismida bitiruvchi tomonidan bajarilgan barcha ishlar atroflicha chuqur yoritilgan holda beriladi:

• 
  qaralayotgan masala yoki ob’ektning vazifasi, unga qo‘yilgan talablar, vazifani hal etish yo‘llari, variantlari keltiriladi;
  
• 
  olingan echimlar va natijalar barcha tafsilotlari bilan ilmiy-uslubiy va mantiqiy asoslangan bo‘lishi lozim;
  
• 
  bo‘lg‘usi echimning maqsadga eng muvofiqligini asoslovchi hisoblar, fikrlar keltirilib,so‘ngra tarkibiy chizma, uni asoslovchi mulohaza va hisoblar batafsil yoritiladi;
  
• 
  ishning mazmuni, qabul qilingan echimlarni, hisob-kitoblarni batafsil va asosli holda to‘la-to‘kis keltiriladi;
  
• 
  barcha echim va xulosalar ishning prinsipial chizmalari yordamida yaqqol aks etdirladi. Ushbu chizmalar harakatdagi standartlar, konstruktorlik hujjatlarining yagona tizimi asosida bajariladi.
  
• 
  loyihalanayotgan qurilmaning barcha qism va bloklarini yaratish bo‘yicha batafsil hisoblar keltiriladi. Bunda ta’minlash manbai, kuchaytirgichlar (dastlabki, oraliq, oxirgi), o‘zgartirgichlar, filtrlar, stabilizatorlar, bajaruvchi mexanizmlarning hisoblari va ularning o‘zaro moslashtirilishi, yakka holda hamda birgalikda ishlashi keltiriladi.
  

2.2.6. Xavfsizlik texnikasi, mehnat va atrof –muhitning muhofazasi
Bitiruv-malakaviy ishning xavfsizlik texnikasi, mehnat va atrof –muhitning muhofazasi bo‘limida:
elektr ta’minoti tizimidagi, elektronika va mikroelektronika qismidagi elektr xavfsizlik va xavfsizlik texnikasi bo‘yicha tadbirlar keltiriladi;
ishlab chiqarish ob’ektlariga yong‘inga qarshi va portlashdan saqlash texnikasi tomonidan quyiladigan talablar yoritiladi va ularni amalga oshiruvchi tadbirlar ishlab chiqiladi;
erga ulash va yashindan himoyalash qurilmalarining hisoblari keltiriladi.


2.2.7. Xulosa

Xulosada bitiruvchi qisqa tarzda ushbu malakaviy ishda qabul qilingan asosiy texnikaviy echimlar, ularni yangilik darajasi va mavjud echimlar bilan taqqoslash natijasi, shuningdek qabul qilingan echimlarning texnik–iqtisodiy afzalliklari keltiriladi: