Energetika fakulteti "elektr energetikasi" kafedrasi

KOMPLEKT TAQSIMLOVCHI QURILMALARI

Reja:
10.1. Komplekt taqsimlovchi qurilmalariining (KTK) elektr sxemalari. KTK klassifikatsiyasi Tashqi va ichki o‘rnatiladigan KTK.
10.2. YTQga qo‘yiladigan talablar Bir tizimli yig‘ma shinali 6 — 10 kV li YTQ konstruktsiyalari.
Tayanch so‘z va iboralar:
Taqsimlash qurilmalari, vazifasi, talablar,avzallik va kamchiliklari, komplekt taqsimlash qurilmalari, konstruktsiyalari
10.1. Komplekt taqsimlovchi qurilmalariining (KTK) elektr sxemalari. KTK klasifikatsiyasi.
Elektr energiyasini qabul qilish va uni boshqa elektr qurilmalari orasida taqsimlash uchun mo‘ljallangan elektr qurilmasi taqsimlash qurilmasi deb ataladi.
Taqsimlash qurilmalarining elektr bilan ta’minlash tizimi bo‘lib, uning o‘rniga qarab, elektr stansiyasi generatorlari, podstansiyalarning kuch transformatorlari, havo va kabel elektr uzatish yo‘llari, bino ichida tortilgan elektr simining energiya beruvchi yoki taqsimlash chiziqlari xizmat qilish mumkin.
Taqsimlash qurilmasidan keladigan elektr energiyasi boshqa taqsimlash qurilmalari, podstansiyalar, kuch transformatorlari va turli elektr qabul qiluvchilar orasida taqsimlanishi mumkin. Bu elektr qurilmalariga elektr energiyasi taqsimlash qurilmasidan tarqaluvchi kabel va havo chiziqlari orqali yuboriladi.
Taqsimlash qurilmalarida unga ulangan chiziqlarni ajratib qo‘yish va ximoya qilish apparattlari, shuningdek, butun taqsimlash qurilmasini ham, uning alohida bo‘limlarini ham ishlashini nazorat qilib turuvchi turli o‘lchov asboblari bo‘ladi.
Elektr energiyasini qabul qilib olish va taqsimlash, shuningdek, taqsimlash qurilmasining alohida elementlarini o‘zaro ulash uchun, odatda, ochiq metall shinalar ishlatiladi, ular alohida shinalar qurilmasini hosil qiladi. Shinalar qurilmasi asosiy (yoki yig‘ma), tarmoqlovchi va ulovchi shinalardan iborat (16.1b–rasmga qarang).
Asosiy shinalar taqsimlash shinalaridir, ularga energiya manbaidan energiya kelib, ketuvchi chiziqlarga beriladi. Asosiy shinalardan ulanuvchi chiziqlar apparatlariga botqvchi shinalar tarmoqlovchi shinalar deyiladi. Tarmoqlanishning alohida apparattlarini o‘zaro ulovchi shinalar ulovchi shinalar deyiladi.