Электр энергияси поездларни тортиш учун қўлланган илк тажрибаларда энергия манбаи ва электр двигатель ҳаракатланувчи бирликда жойлашар эди

1-жадвал

Контакт симларнинг асосий ўлчамлари ва тавсифлари

Номинал кесим юзаси, мм^2	Ўлчамлар, мм (8-расм,а)				Узилишга вақтинча каршилиги, ГПа, ками		Чизиқ-ли зичлик кг/м	Оғирлик кучидан юклама, кН/м
	А	Н	С	R	Мисли сим	Бронзали сим
65	10.19	9.3	0.5	5.3	0.377	0.42	0.58	5.50*10^-3
85	11.76	10.8	1.3	6.0	0.368	0.42	0.76	7.46*10^-3
100	12.81	11.8	1.8	6.5	0.363	0.42	0.89	8.73*10^-3
150	15.50	14.5	3.2	7.8	0.353	0.42	1.34	13.15*10^-3

Трос орқали катта электр ўтказиш ҳожати бўлмаганида, биметалл ёки пўлат симлардан фойдаланилади. Изоляцияланмаган биметалл симлар пўлатли ўзак ва мисли қобиқ симлардан қилинган. Биметалли пўлат мисли изоляцияланмаган сим шартли белгилар шундай: ПБСМ-95 – биметалли пўлат мисли, кўндаланг кесим юзаси 95 мм².

Пўлат симлар асосий тутиб турувчи трос ва контакт тармоғининг тиргак вазифасини бажарадиган қурилмаларида ишлатилади. Пўлат симларнинг асосий камчилиги – занглаш (коррозия)га мойиллиги бўлиб, бу хосса айниқса денгиз якинида, саноат корхоналарида, симларнинг устидаги цинк қоплами коррозиянинг олдини олмайдиган аралаш тортув линияларида намоён бўлади.
Кучайтурув, истеъмол ва сўриш симлари учун, асосан алюмин материал бўлиб хизмат қилади. А русумли алюмин симлари кўп симли қилиб тайёрланади. Айниқса А-150 ва А-185 русумидаги симлар энг кенг қўлланади. Кўндаланг кесими номинал юзаси 185 мм² га тенг алюмин симнинг шартли белгиси қуйидагича: А-185 сими – ГОСТ 839-74. Алюмин симлар мис симга нисбатан зичлигининг камлиги ва камроқ электр ўтказувчанлиги билан фарқланади. Алюмин сим кесими юзаси мисга нисбатан 1,65 баробар каттароқ, массаси эса икки маротаба кам бўлган линияда электр йўқотишлари бир хил бўлади. Алюмин бошқа металлар билан реакцияга осон киришиб, бу электролит парчаланиш хавфини юзага келтиради. Шу туфайли монтаж чоғида алюмин бошқа металларга бевосита тегиб турмаслигини синчиклаб назорат қилиб туриш шарт. Алюмин юзаси оксид қатлами билан копланганлиги сабабли бу қатлам симни занглашдан ҳимоя килади ва бузилишига йўл қўймайди.