Экология ҳуқуқи предмети, методи ва тизими

5-масала
Фойдали қазилма конларни қазиб олиш учун ихтисослашган ташкилот томонидан алоҳида муҳофаза этиладиган геологик объект қуриш Ўзбекистон Республикаси Геология ва минерал ресурслар давлат қўмитасига ер қаъри участкаларидан фойдаланиш ҳуқуқининг давлат рўйхатидан ўтказишганлиги; давлат экологик экспертизасининг ижобий хулосасини тақдим этган. Қўмита ҳужжатларни тахлил қилиб фойдаланиш ҳуқуқини рўйхатдан ўтказган ва лицензия берган.
– Сизнинг фикрингизча фуқаро яна қандай ҳужжатни тақдим этиши зарур эди.

6-масала
Бухоро вилояти Газли шаҳрида уй ва ҳовли-боғ мулкдори Н. ўз ҳовлисининг ҳудудида 2 метр чуқурликда керамика ва фарфорли маҳсулотлар тайёрлаш учун зарур бўлган қимматбаҳо лой (гил) қатламини аниқлади. У лой (гил)ни ҳунармандларга сотгач, табиатни муҳофаза қилиш давлат инспектори унинг ҳаракатлари қонунга хилоф эканлигини таъкидлади.
– Бу ҳақда қонунчиликда нима дейилган? Лойнинг қимматбаҳо турлари Ўзбекистон Республикаси Вазирлар Маҳкамаси томонидан тасдиқланган кенг тарқалган фойдали қазилмалар рўйхатига кирадими?


7-масала
Тошкент шаҳрида яшовчи фуқаро Я. ўз уйи ҳовлисида 15 метр чуқурликдаги нефт заҳирасига тегишли қурилмалар ўрнатиб, даромад олиш илинжида уни сотишга киришди.
– Мазкур ҳолатда фуқаро Я. ер ости нефт заҳирасидан фойдаланишга ҳақлими?


8-масала
Тошкент шаҳрида яшовчи фуқаро У. Тўрт кишидан иборат олтин изловчилар гуруҳи тузиб, Чирчиқ дарёси қирғоқларидан олтин излашга киришди.
– Ўзбекистон Республикасида олтин изловчилар томонидан олтин ва бошқа қимматбаҳо металлар қўлга киритилишига рухсат берилганми?

Атмосфера ҳавосини ҳуқуқий муҳофаза қилиш

Фаннинг ушбу мавзусида талабага атмосфера ҳавоси ҳуқуқий муҳофаза объекти сифатида, атмосфера ҳавосини муҳофаза қилиш қонунчилиги тизими, атмосфера ҳавосини муҳофаза қилишдаги ҳуқуқий муносабатлар тушунчаси, турлари, вужудга келиш ва тугатилиш асослари, атмосфера ҳавосини муҳофаза қилиш ҳуқуқий муносабатларининг субъекти, объекти ва мазмуни, атмосфера ҳавосини муҳофаза қилиш соҳасида меъёрлаштириш ва стандартлаштириш, атмосфера ҳавоси манбаларининг ифлосланишини давлат томонидан ҳисобга олиш ва назорат қилиш, атмосфера ҳавосини муҳофаза қилиш бўйича вужудга келадиган низоларни ҳал қилиш, атмосфера ҳавосини ҳуқуқий муҳофаза қилиш, атмосфера ҳавосига етказилган зиённи ундириш, атмосфера ҳавосини муҳофаза қилиш тўғрисидаги қонунчиликни бузганлик учун юридик жавобгарлик каби маълумотлар етказилади.

Мавзуни тўлиқ ўзлаштириши учун ва ўзлаштираётган назарий билимни амалиёт билан боғлаш мақсадида қўйидаги масалаларни ечимини топиш мақсадга мувофиқ бўлади.