Экология ҳуқуқи предмети, методи ва тизими

3-масала
Бухоро вилоят ҳокими томонидан Пешку тумани фермерлар уюшмасига қонунларда белгиланадиган тартибда Варахша сув обеъктини қисман танҳо фойдаланишга бериш тўғрисида қарор қабул қилди.
Сув объектини танҳо фойдаланиш учун сувдан махсус фойдаланиш рухсатномаси билан расмийлаштирилди. Маълум вақтдан сўнг танҳо фойдаланишга берилган сув объекти қайтариб олиш зарурати пайдо бўлди ва танҳо фойдаланилаётган сув объеатини қайтариб олиш тўғрисида вилоят ҳокими 124-сонли қарор қабул қилди. Натижада Пешку тумани фермерлар уюшмаси сувдан фойдаланиш ҳуқуқини бекор бўлишига олиб келди. Вилоят ҳокимининг 124-сонли қароридан норози булган томон, яъни Пешку тумани фермерлар уюшмаси туман прокуратурасига даъво билан мурожаат қилди.
– Айтингчи, Пешку тумани фермерлар уюшмаси даъвоси қонунийми?
– Масалани қонуний асослаб, ҳал қилинг?


4-масала
“ЭКО-СУВ” нодавлат нотижорат ташкилоти Ўзбекистон Республикаси Қишлоқ ва сув хўжалиги вазирлигига эътирознома юборган. Эътирозномада “ЭКО-СУВ” ННТ қуйидагиларни баен қилган:
“ЭКО-СУВ” ННТ томонидан ўтказилган жамоавий назорат натижаларига кўра, вазирликка тақдимнома юборилган;
кўрсатилган камчиликларни бартараф этиш чоралари ҳам белгиланган;
сувларни тежаш ва уларга нисбатан бошқача муносабатда бўлишликни назарда тутувчи бир қатор кўрсатмалар акс эттирилган.
лекин, вазирлик томонидан сувларни муҳофаза қилиш ва улардан оқилона фойдаланиш борасида тадбирлар ўтказилганда Ўзбекистон Республикаси “Сув ва сувдан фойдаланиш тўғрисида”ги қонунининг 10-моддасига зид равишда улардан фойдаланилмаган.
Шунинг учун, дархол вазирлик хатони тузатишлиги кераклиги билдирилган.
– Айтингчи, Ўзбекистон Республикаси Қишлоқ ва сув хўжалиги вазирлиги “ЭКО-СУВ” нодавлат нотижорат ташкилоти кўрсатмаларини бажариши шартми?
– Бу ҳолатда, “ЭКО-СУВ” нодавлат нотижорат ташкилоти судга мурожаат этиши мумкинми, агар мумкин бўлса қандай асосларга кўра?


5-масала
Тошкент шаҳар Учтепа тумани “Ноғай қўрғон” МФЙ хўжалик судига ЁАЖ “ЧИРЧИҚСУВТАЪМИНОТ” корхонасига нисбатан даъво ариза тақдим этган. Даъво аризада кўрсатилишича, ЁАЖ “ЧИРЧИҚСУВТАЪМИНОТ” қонунда белгиланган талабни бажармай, яъни сувнинг ҳолатига таъсир ўтказадиган янги ва таъмирланган корхоналар, иншоотлар ва бошқа объектларни жойлаштириш, лойиҳалаш, қуриш ҳамда ишга тушириш, шунингдек янги технология жараёнларини жорий этиш чоғида аҳолининг сиҳат-саломатлигини сақлаш ва ичимлик сувга бўлган талабларини ҳамда маиший эҳтиёжларини биринчи навбатда қондириш шарти билан сувдан оқилона фойдаланишни таъминлаш лозимлиги кераклиги инобатга олмасдан, маҳалла ҳудудида ишлаб чиқариш цехини жойлаштириб, ичимлик сувини кескин камайиб кетишига сабабчи бўлган.
Шунинг учун, ЁАЖ “ЧИРЧИҚСУВТАЪМИНОТ” корхонаси фаолиятини тўхтатиб, маҳаллага ичимлик суви белгиланган даражада етиб келмаганлиги учун, моддий ва маънавий зарарни ундиришни сўраган.
– Судья ўрнига ўзингизни қўйиб, мазкур ишни қонуний ҳал қилинг.