Экология ҳуқуқи предмети, методи ва тизими

3-масала
Фуқаро А. Сирдарёга бориб, балиқ овлаш тақиқланган вақтда 35 кг балиқ овлаб кетаётганда, табиатни муҳофаза қилиш инспектори уни тўхтатиб, амалдаги қонунчиликни бузганлигини айтиб, мазкур ҳолат бўйича далолатнома тузиб, ишни судга ошириб юборди.
Судда фуқаро А. унга қўйилган айб нотўғрилигини айтиб, қуйидаги важларни келлтирди, яъни унга табиатни муҳофаза қилиш органи томонидан Ўзбекистон Республикаси “Табиатни муҳофаза қилиш тўғрисида”ги қонунни бузганлиги учун айб қўйган. лекин фуқаро А. “Ҳайвонот дунёсини муҳофаза қилиш ва ундан фойдаланиш тўғрисида”ги қонунни бузганлиги айтиб ўтиб, демак унга қўйилган айб нотўғри бўлиб ва у мазкур айиб бўйича жавобгарликка тортилиши мумкин эмаслигини айтиб ўтди.
– Сизнинг фикрингизча суд қандай қарор қабул қилиши керак?
– Фуқаро А.нинг важлари ҳақиқатга қанчалик тўғри келиши юзасидан фикр билдиринг.


4-масала
Қорақалпоғистон Республикаси фуқароси С. Қорақалпоғистон Республикаси ҳудудида табиатни муҳофаза қилиш тўғрисидаги қонунчиликни бузганлиги учун, Ўзбекистон Республикаси қонунчилиги бўйича жавобгарликка тортилган.
Фуқаро С. суд қароридан норози бўлиб, апелляция шикояти келтирган. Фуқаро С. нинг важларига кўра, унга нисбатан амалдаги қонунчилик нотўғри қўлланилган, чунки у Қорақалпоғистон Республикаси фуқароси ва унга нисбатан Қорақалпоғистон Республикаси қонунчилиги бўйича қарор қабул қилиниши керак эди. Шунинг учун, ушбу қарор ноқонуний қабул қилинган деб ҳисоблаб, уни бекор қилишни сўраган.
– Амалдаги қонунчиликка кўра (аниқ қонунчилик, қонун, моддани келтириб) Қорақалпоғистон Республикаси судининг хатти-ҳаракати тўғрими ёки йўқми?
– Мазкур ҳолат бўйича қонунчиликка таянган ҳолда ўз фикрингизни билдиринг.


5-масала
Н. исмли бир олим табиий объектларни инсонни ўраб турадиган моддий дунёнинг элементи эмас, деган фикр билан, ўз назариясини амалиётга татбиқ этмоқчи бўлди. Унга қарши бошқа олим табиий объектлар моддий дунёнинг элементи ва унга нисбатан оқилона муносабатда бўлиш кераклигини олға сурди. Икки олим ўртасига Ўзбекистон экологик ҳаракати қўшилди ва бу ҳолатга ойдинлик киритмоқчи бўлди.
– Айтингчи қайси олимнинг фикри амалдаги қонунчиликка зид келади?
– Ўзбекистон экологик ҳаракатининг ваколатига олимларниг мазкур баҳсига қўшилиб фикр билдириши амалдаги қонунчиликка тўғри келадими?