Экология ҳуқуқи предмети, методи ва тизими

4-масала
“Махсустранс” унитар корхонаси ишлаб чиқариш ва истеъмол чиқиндиларини қайта ишланиши, тозаланиши ва дезодоризация қилиниши учун зарур бўлган ҳудудни белгилаб бериш учун ҳокимиятга ариза билан мурожаат қилган. Ҳоким бундай ҳудудни белгилаш масааласи унинг ваколат доирасига кирмаслигини сабаб қилиб аризани қабул қилишни рад этган ва унитар корхонаси мазкур масала юзасидан Табиатни муҳофаза қилиш давлат қўмитасига тегишли тартибда илтимоснома билан мурожаат қилиш зарурлигини билдирган.
– Ҳокимнинг жавоби ўринлими?
– Сизнингча унитар корхона қандай йўл тутгани маъқул?
– Фикрингизни асослаб беринг.


5-масала
Маҳаллий давлат ҳокимиятининг ўтказган текшируви асосида тадбиркор Зиёвуддинов амалга ошираётган фаолияти атмосферага ифлослантирувчи моддалар чиқариётганлиги ҳолати аниқланган. Табиатни муҳофаза қилиш давлат қўмитаси маҳаллий давлат ҳокимияти ва Ўзбекистон Республикаси Соғлиқни сақлаш вазирлиги томонидан уларнинг ваколат доирасида қабул қилган қарорига асосан Зиёвуддиновнинг тадбиркорлик фаолияти тўхтатиб қўйилган.
– Мазкур ҳолат юзасидан тадбиркорга маслаҳат беринг.
– Уларнинг ҳаракати қонунийми?


6-масала
Чирчиқда яшовчи фуқаро П. прокуратурага кимё заводи томонидан ифлослантирувчи моддалар чиқарилиши туфайли ҳовлисидаги мева ва сабзавотлар қуриб қолаётганлигини таъкидлаб, заводнинг бундай фаолиятини тақиқлашларини сўраб мурожаат этади.
– Прокуратура қандай жавоб тайёрлаши лозим?


7-масала
Ўзбекистондан чиқишда божхона чегарасида Ўзбекистонга божхона томонидан белгиланган талаблардан четга чиқувчи даражада зарарли газ чиқарувчи автотранспорт воситаларининг кириши тақиқланиши тўғрисидаги эълон илиб қўйилган.
– Божхона хизмати ходимларининг хатти-ҳаракатлари қонунийми?
– Атмосферага ифлослантирувчи моддалар чиқариш нормативларини ким белгилашга ҳақли?


8-масала
Тошкент шаҳри чегарасида кимёвий завод қуриш мўлжалланган бўлиб, у атмосфера ҳавосини истеъмол қилиш ва қайта ишлаш натижасида суюлтирилган газ ишлаб чиқиши лозим бўлади.
– Бундай қурилиш объектини қуриш тартиби ва талаблари қандай?