Экология ҳуқуқи предмети, методи ва тизими

6-масала
Фарғонада истиқомат қилувчи фуқаро Б. иккита кўп йиллик юнон ёнғоқини кесиб ташлайди. Кейинги кунда унга табиатни муҳофаза қилиш давлат инспектори келиб, унга кесилган дарахтлар учун жарима тариқасидаги маъмурий жазо қўллашини таъкидлайди.
– Давлат инспектори хатти-ҳаракатлари қонунийми?
– Фуқаро Б. ҳовлисидаги кўп йиллик юнон ёнғоқ дарахтлари ўсимлик дунёси объекти бўла оладими?


7-масала
Ўтган асрнинг 90-йиллар ўрталарида табиатни муҳофаза қилиш давлат инспекторлари мамлакат чегарасидан кулинария, парфюмерия ва тиббиётда кенг қўлланиладиган ермек ўсимлигини олиб чиқиб кетиш билан боғлиқ кўп сонли ҳолатларини аниқлайдилар. Текшириш жараёнида Ўзбекистон ҳудудидан олиб чиқиб кетилаётган ушбу ўсимликнинг икки туридан бири Қизил Китобга киритилган, бошқаси киритилмаган экан. Мамлакат ҳудудидан қимматбаҳо ўсимлик хом-ашёсининг ташиб кетилишининг олдини олиш мақсадида ермекнинг иккинчи турини Қизил Китобга киритишга қарор қилинди.
– Ушбу масалани ҳал этиш қайси орган ихтиёрига берилган?
– Ушбу орган мансабдор шахси ўрнига ўзингини қўйтиб масалани қонуний ҳал этинг.

8-масала
Тошкент шаҳар Миробод маҳалласида яшовчи К. исмли фуқаро, 1940 йилда уйининг олдига 10 туп чинор дарахти эккан. 2008 йилда, ушбу шахснинг фарзанди уй-жой қураётганда уйни олдида отаси эккан дарахтларни кесиб, қурилиш учун ишлатаман деб турганда, шаҳар табиатни муҳофаза қилиш инспекторлари келиб, у томонидан қонун бузилишига йўл қўйилганлигини маълум қилишди ва унга нисбатан қонунда белгиланган тартибда жавобгарликка тортилишини маълум қилиб, жарима қўллаб иш мазмунан кўриб чиқиш учун судга юбордилар.
К. исмли фуқарони фарзанди П. ушбу ҳолатдан норози бўлиб, табиатни муҳофаза қилиш инспекторларига нисбатан қарши даъво аризаси билан чиқди.
– Айтингчи, табиатни муҳофаза қилиш инспекторлари томонидан қонун бузилишига йўл қўйилганми?
– низонинг иккила тарафи ҳам ўзини ҳақлигини исботлаши учун қайси қонун ҳужжатига мурожаат қилиши керак?
– Масалани қонуний ҳал қилинг.