Экология ҳуқуқи предмети, методи ва тизими

Ўрмонлардан фойдаланиш ва муҳофаза қилишнинг ҳуқуқий ҳолати
Фаннинг ушбу мавзусида талабага ўрмон фойдаланиш ва муҳофаза қилиш объекти сифатида, ўзбекистон Республикаси ўрмон қонунчилиги, давлат ўрмон фонди ва унинг таркиби, ўрмон ҳуқуқий муносабатлар тушунчаси ва таснифланиши, ўрмон ҳуқуқий муносабатларнинг вужудга келиш ва тугатилиш асослари, давлат ўрмон фондини бошқариш, ўрмондан фойдаланиш ва муҳофаза қилишни режалаштириш, ўрмонларни рўйхатга олиш ва давлат ўрмон кадастрини юритишнинг ҳуқуқий асослари, ўрмонлардан фойдаланиш ва муҳофаза қилиш устидан давлат назорати, ўрмонлардан фойдаланиш ва унинг турлари, давлат ўрмон фондини ҳуқуқий тартибга солиш, алоҳида турдаги ўрмонларни ҳуқуқий тартибга солиш, ўрмондан фойдаланиш ва муҳофаза қилиш бўйича низоларни ҳал этиш, ўрмон хўжалигига зиён етказилиш ҳолларида моддий жавобгарликнинг ўзига хос хусусиятлари, ўрмон қонунчилигини бузганлик учун юридик жавобгарлик борасида маълумотлар етказилади.
Мавзуни тўлиқ ўзлаштириши учун ва ўзлаштираётган назарий билимни амалиёт билан боғлаш мақсадида қўйидаги масалаларни ечимини топиш мақсадга мувофиқ бўлади.
1-масала
“Ўрмончи-Зарафшон” корхонаси Навоий вилоят ҳокимиятига, Навоий вилояти Зарафшон туманида жойлашган давлат ўрмон фондига тегишли ўрмон участкасининг 500 гектар жойини бериши учун мурожаат этди. Вилоят ҳокимияти мурожаатни кўриб чиқиб, “Ўрмончи-Зарафшон” корхонасига 500 гектар давлат ўрмон фонди участкасини тасарруф этди.
Орадан бир йил ўтганидан сўнг, ўрмон хўжалиги органлари Ўзбекистон Республикаси Вазирлар маҳкамасига мурожаат этиб, Вазирлар маҳкамаси қарорига асосан Навоий вилоят ҳокимиятининг қарори ноқонуний эканлиги учун уни бекор қилдирди.
– Айтингчи, нима сабабдан Навоий вилоят ҳокимиятининг қарори ноқонуний деб тан олинди, қонун ҳужжатлари асосида ўз фикрингизни асослаб беринг?
– Навоий вилоят ҳокимиятининг қарорини Ўзбекистон Республикаси Вазирлар маҳкамаси бекор қилиши мумкинми?
– ўрмон хўжалиги органлари орадан бир йил ўтганидан сўнг Ўзбекистон Республикаси Вазирлар маҳкамаси мурожаат этиши мумкинми ва айнан Вазирлар маҳкамасига мурожаат этгани қонунийми?
– “Ўрмончи-Зарафшон” корхонасига етказилган зарарни қайси давлат органи томонидан қопланади?