Экология ҳуқуқи предмети, методи ва тизими

5-масала
“Нурота” курорт табиий ҳудудида тарихан жойлашган бир неча сон аҳоли мавжуд. Курорт табиий ҳудуд раҳбарияти, аҳолини курорт табиий ҳудудга салбий таъсир кўрсатишини важ қилиб бошқа жойга кўчириш масаласини кўриб чиқиш учун вилоят ҳокимияти ва табиатни муҳофаза қилиш органига мурожаат қилади.
вилоят ҳокимияти ва табиатни муҳофаза қилиш органи ушбу аҳоли билан суҳбатлашганда, аҳоли вакиллари ҳеч қандай зарар етказмаганликларини, бу ерда тарихан истиқомат қилганликларини ва бу ердан ҳеч қаерга кетмасликларини айтиб ўтдилар.
– вилоят ҳокимияти ва табиатни муҳофаза қилиш органи қандай қарор қабул қилади?
– Амалдаги қонун ҳужжатларига кўра, аҳоли вакиллари ҳақми ёки ноҳақми?
– Агар, вилоят ҳокимияти ва табиатни муҳофаза қилиш органи уларни бошқа жайга кўчириш керак деган қарор қабул қилса, аҳоли вакилларига қандай ҳуқуқий маслахат берасиз?
6-масала
Имтиҳонда талаба қўриқхона ва буюртма қўриқхонанинг асосий фарқи нима деган саволга жавоб беришга қийналиб қолди.
– Муҳофаза этиладиган табиий ҳудудлар тушунчаси қайси норматив-ҳуқуқий ҳужжатда баён этилган?
– Ўзбекистон Республикаси ҳудудида муҳофаза этиладиган табиий ҳудудлар ташкил этиш мумкинми ва унинг бош мақсади нима?
7-масала
Тошкент шаҳридаги тадбиркорлардан бири Угам-Чотқол табиий миллий парки ва Чотқол табиий биосфера қўриқхонаси ҳудудларига экскурсия уюштирувчи эко-туристик фирма ташкил этишга қарор қилади.
– Ушбу ҳудудларга фирма экскурсия уюштириши мумкинми?
8-масала
Ўзбекистон ва Қозоғистон давлат чегараларини айрим ер усти ва ости сув объектлари кесиб ўтади. Қишлоқ ва овулда яшовчи фуқаролар бир неча маротаба жойлардаги маҳаллий давлат ҳокимият органларига қўшни мамлакатлар ҳудудларида сув ҳавзалари ифлосланиши ва улардан нооқилона фойдаланилаётганлиги тўғрисида ариза ва шикоятлар билан мурожаат этдилар.
– Ушбу масалаларни халқаро ва давлатлараро ҳуқуқий ҳужжатларга мувофиқ ҳал этилиши тартиби қандай?