Экология ҳуқуқи предмети, методи ва тизими

5-масала
Тошкент вилояти табиатни муҳофаза қилиш қўмитаси “АНГРЕНКЎМИР” ОАЖ ҳудудида режавий текширув ўтказганда, жамиятга тегишли завод ҳудудидан ташқарисига заводдан чиқаётган чиқиндилар ташланаетганлиги ҳар хил турдаги аниқланди.
“АНГРЕНКЎМИР” ОАЖ раҳбариятига нима сабабдан атроф табий муҳитни ифлослантирилаетилганлиги сўралганда, иқтисодиётимизга кўп фойда олиб келиш учун, завод учун белгиланган миқдорни 150% даражада ишлатилаётганлигини кўрсатиб, шунинг учун чиқиндиларни чиқариш меъёри ҳам ошиб кетганлигини маълум қилди.
Тошкент вилояти табиатни муҳофаза қилиш қўмитаси судга мурожаат қилиб, “АНГРЕНКЎМИР” ОАЖдан табиатга етказилган зарар учун белгиланган зарарни ундирди. Суд қароридан норози бўлган “АНГРЕНКЎМИР” ОАЖ апелляция тартибидан шикоят келтирди.
– “АНГРЕНКЎМИР” ОАЖ шикоят келтирганда қандай норматив-ҳуқуқий ҳужжатга таянган?
– Тошкент вилояти табиатни муҳофаза қилиш қўмитаси келтирган даъво аризасини езма шаклини тайёрланг.
– “АНГРЕНКЎМИР” ОАЖга ҳуқуқий маслахат беринг.
– Фикрингизга кўра, апелляция ҳайъати қандай қарор қабул қилади?


6-масала
Фарғона нефтни қайта ишлаш заводи экологик меъёрларни бузиш натижасида фуқароларга тегишли бўлган 1,5 га. ер участкасига зарар етказади.
– Ушбу ҳолатда Фарғона шаҳар табиатни муҳофаза қилиш давлат қўмитаси бошқармаси давлат инспектори сифатидаги ҳаракатлари нималардан иборат бўлиши лозим?


7-масала
1998 йил ёзда Тошкент станцияда ишлайдиган тепловоз ҳайдовчиси С. раҳбариятга мурожаат этиб, Тошкент – Олмалиқ йўналишидаги темир йўл ёқасидаги барча дарахтларни поезд ҳаракати вақтида атрофни кузатишга халақит бериши туфайли кесиб ташлашни сўрайди. Раҳбарият топшириғи билан ишчилардан иборат таркибда тузилган гуруҳ икки сутка ичида 2 км узунликда умумий ҳажми 2,5 млн. сўмлик барча дарахтларни кесиб ташлайди.
– Темир йўл атрофидаги дарахтлар кимга тегишли?
– Темир йўл раҳбарияти ҳаракатлари тўғрими?


8-масала
Тошкент вилоят энергетика компанияси раҳбарияти буйруғи билан Чотқол давлат биосфера қўриқхонаси ҳудуди орқали электр узатиш тармоғи ўтказилди.
– Вилоят энергетика компанияси раҳбарияти буйруғи қонунийми?
– Бундай буйруқлар чиқариш қандай оқибатларга олиб келишими мумкин ва уларни чиқарганлик учун қандай жавобгарлик мавжуд?