Экология ҳуқуқи предмети, методи ва тизими

2-масала
“gloriya industry” чет эл корхонаси Тошкент шаҳрида марказий стадион қуриш бўйича ўтказилган очиқ тендер савдоларини ютиб олиб қурилиш ишларини жадаллик билан бошлаб юборди.
Қурилиш ишлари жадаллик билан олиб борилгани боис, атроф муҳитга жуда катта миқдорда чанг ва бошқа инсон соғлиғига зарар етказадиган моддалар тарқалди.
Фуқаро Х.Худойназаров, ҳар куни қурилиш бўлаетган жойдан ишга автобусда ўтиб, шу нарсаларни ютиб юрганлиги учун, сурункали касалга мубтало бўлди.
Натижада, соғлиғини емонлашуви туфайли, шифохонага даволаниш учун етишга мажбур бўлди.
“ТОЗА МУҲИТ” нодавлат нотижорат экологик ташкилот, фуқаро Х.Худойназаров манфаатини кўзлаб судга мурожаат қилди.
– Айтингчи, аҳоли яшаш жойи, қурилиш ишларини ўтказиш бўйича қонун ҳужжатларида белгиланган тартиб мавжудми?
– Суд қандай қарор қабул қилиши мумкин?
3-масала
Фуқаро В. туман ҳокимиятига мурожаат этиб, автобус-троллейбус тўхташ жойида кўп тармоқли дўкон қуриш учун ушбу ер участкасига мулк ҳуқуқи беришни сўрайди.
– Қонунчиликка мувофиқ, ҳокимият қандай жавоб бериши лозим?

4-масала
Тўққиз қаватли уйнинг биринчи қаватида яшовчи фуқаро Г. ўз квартираси ёнида ер участкаси ажратиб олиб, унга узумзор, мевали дарахтлар экиб, товуқхона ҳамда кичик ҳовуз қуриб, унда балиқ етиштиришни йўлга қўяди.
Фуқаро Г.га участка инспектори келиб, иншоотларни ихтиёрий равишда бузиб ташлашни таклиф этганда, у ер участкаси унинг хусусий мулкини ташкил этишини ҳамда участка нозирининг ушбу масалага ҳеч қандай алоқаси йўқлигини таъкидлади.
– Мазкур масалани ер, экология, санитария, шаҳарсозлик, уй-жой ва маъмурий қонунчиликка мувофиқ ҳал этинг.


5-масала
Фуқаро П. ЎзР Табиатни муҳофаза қилиш давлат қўмитасига илтимос билан мурожаат этиб, кўп қаватли уйлар олдида ёзнинг иссиқ кунларида очиқ деразалар олдида автомобил двигателини ўчириб қўймайдиган ҳамда кечқурун аҳоли ухлайдиган вақтда сигнал чаладиган автомобил эгаларига нисбатан чора кўришни сўрайди.
– Табиатни муҳофаза қилиш давлат қўмитаси жавоби қандай бўлиши лозим?
– Ушбу вазият амалдаги қонунчиликка мувофиқ қай тартибда ҳал этилиши лозим?