Экология ҳуқуқи предмети, методи ва тизими

2-масала
Фуқаро Д.Айдарпўлатов ёввойи ўрдакларни ов қилиш учун белгиланган тартибда рухсатнома олиб, ов қилиб қайтаётганда табиатни муҳофаза қилиш органлар ходимлари томонидан тўхтатилиб, ов маҳсулоти олиб қўйилиб, унга у ов қилган ёввойи ўрдак Ўзбекистон Ресубликаси “Қизил китобига” киритилганлигини билдириб, баеннома тузиб белгиланган миқдорда жарима солишган.
Лекин, фуқаро Д.Айдарпўлатов, Ўзбекистон Республикаси ҳудудида ов ва балиқ овлаш қоидаларига кўра, у овлаган ўрдак овлаш учун рухсат этилганлигини билдирган.
– Айтингчи, мазкур ҳолатда низонинг қайси субъекти томонидан қонун бузилишга йўл қўйган?
– Агар фуқаро Д.Айдарпўлатов судга мурожаат қилса, у ҳақ бўлиб чиқадими, жавобингизни қонун ҳужжат нормасига асосан келтиринг?
– Фуқаро Д.Айдарпўлатовга адвокат сифатида юридик ёрдам бериб, судга мурожаат қиладиган ҳужжатларни тўплаб, аризани ёзиб беринг.


3-масала
АҚШнинг Огайё штатидан бир нечта олимлар паркент туманига келиб, “Global animal research” лойихаси доирасида Паркент туманининг тоғли ҳудудидаги ҳайвонот дунёси объектларини ўрганиш кераклигини билдиришди.
ўрганиш ҳудудининг 3/1 қисми қишлоқ хўжалиги маҳсулотларини етиштирувчи “Паркент-деҳқон” корхонаси ҳудудига тўғри келиб қолди. Корхона раҳбари, корхонага тегишли бўлган ҳудудга олимларни киритишдан бош тортди.
Табиатни муҳофаза қилиш органлари ходимлари, суд орқали олимларга рухсатнома олиб беришди.
– Айтингчи, табиатни муҳофаза қилиш органлари ходимлари ва суднинг хатти-ҳаракати қонунийми?
– “Паркент-деҳқон” корхонаси раҳбари олимларни, корхона ҳудудига илмий ишларни олиб бориш учун киритмасликка ҳаққи бормиди?
– “Паркент-деҳқон” корхонаси раҳбари ва табиатни муҳофаза қилиш органлари ходимларининг ҳаракатларига ҳуқуқий бахо беринг.


4-масала
Тошкент вилояти ўрмон хўжалиги корхонаси ходимлари “Самарқанд атроф муҳит” корхонасига тегишли ҳудудда ёввойи тулкини Тошкент вилояти ўрмон хўжалиги корхонаси ҳудудида яшовчи йўқолиб кетаётган тулки билан, йўқолиб кетишини олдини олиш мақсадида чатиштиришган.
Бу ҳақда табиатни муҳофаза қилиш қўмитаси ходимлари хабар топишган.
табиатни муҳофаза қилиш қўмитаси Тошкент вилояти ўрмон хўжалиги ва “Самарқанд-атроф муҳит” корхоналари Ўзбекистон Республикаси “Ҳавонот дунёсини муҳофаза қилиш ва ундан фойдаланиш тўғрисида”ги қонунининг 27-моддаси талабига асосан, ҳайвонот дунёсини муҳофаза қилиш ва ундан фойдаланиш тўғрисидаги қонун ҳужжатларини бузганликлари учун ҳайвонот дунёсидан фойдаланиш ҳуқуқини бекор қилган.
Тошкент вилояти ўрмон хўжалиги ва “Самарқанд-атроф муҳит” корхоналари мазкур қарордан норози бўлиб, судга мурожаат қилишган.
– Айтингчи, табиатни муҳофаза қилиш органи қонуний қарор қабул қилганми?
– Тошкент вилояти ўрмон хўжалиги ва “Самарқанд-атроф муҳит” корхоналари судда ютиб чиқиш учун қандай важ келтиришлари мумкин?
– Суд қандай қарор қабул қилади?