Экология ҳуқуқи предмети, методи ва тизими

1-масала
“Фарм-крокус” дори-дармон воситаларини ишлаб чиқарувчи корхона Ўзбекистон Республикаси Қизил китобига киритилган камёб ўсимлик туридан доривор хом ашёсини ғамлаш (йиғиш) мақсадида фойдаланиш учун Давлат табиатни муҳофаза қилиш қўмитасига мурожаат этди. Бироқ, Табиатни муҳофаза қилиш давлат қўмитаси бир ой ичида ушбу корхонанинг аризасини кўриб чиқиб, ушбу ўсимлик туридан фойдаланишга квота мавжуд бўлмаганлиги учун рухсатнома беришни рад этади. Шундан сўнг корхона даъво аризаси билан хўжалик судига мурожаат этади.
– Табиатни муҳофаза қилиш давлат қўмитасининг қарори қонунийми?
– Рухсатнома беришнинг процессуал тартибига риоя этилганми?
– Рухсатнома берилиши учун тўланган тўлов қайтариладими?


2-масала
Фуқаро О. ёввойи ўсимлик туридан коллекциялаш мақсадларида фойдаланиш учун йиғаётган вақтда табиатни муҳофаза қилиш ходимлари томонидан ушланиб, унинг бундай фаолияти қонунга хилофлиги, ёввойи ўсимлик дунёси объектларидан фойдаланиш учун махсус рухсатнома талаб этилишини таъкидланади.
– Табиатни муҳофаза қилиш ходимининг хатти-ҳаракатлари қонунийми?
– Қандай асослар мавжуд бўлганда табиатни муҳофаза қилиш ходимининг талаби асосли деб топилиши мумкин?
– Ёввойи ўсимлик туридан коллекциялаш мақсадларида фойдаланиш ўсимлик дунёсидан фойдаланишнинг қайси турига (умумий ёки махсус) мансуб?


3-масала
Тошкент шаҳар фуқаролик ишлари бўйича Мирзо Улуғбек туманлараро судига мазкур туманда жойлашган “Тонг” алюминий заводи томонидан атмосфера ҳавосига белгиланган нормативдан кўп зарарли газлар ва ифлослантирувчи манбалар чиқараётганлиги ва бевосита бу ҳолат фуқароларнинг соғлиғига жиддий таъсир кўрсатаётганлиги бўйича иш келиб тушган. Ишни кўриш чоғида завод ўз ҳаракатларининг қонунийлиги ва атмосфера ҳавосига ифлослантирувчи манбаларни чиқариш Ўзбекистон Республикаси Вазирлар Маҳкамаси томонидан берилган рухсатнома асосида йўл қўйилаётганлигини билдирган. Судья аризани айнан шу фҳужжатга асосланиб жавобгар фойдасига ҳал этган.
– Айтингчи судья тўғри қарор қабул қилганми?
– Сизнингча ушбу ҳолат бўйича томонлардан қайси бири қонуний ҳаракат қилган?