Э. ҚОсимов, М. Aкбaров пaрдозбоп қурилиш aшёлaри

Сув ўтказувчанлик. Aшёнинг босим остида ўзидан сув ўтказиши унинг сув ўтказувчанлиги деб аталади. Aшёнинг бу хоссаси том ёпиш, сув иншоотлари ва ҳовузлар қуришда жуда катта аҳамиятга эга.
Сув ўтказувчанлик кўрсаткичи намунанинг 1 см² юзасидан 1 соат давомида ўзгармас босим остида ўтган сув миқдори билан (см³) ўлчанади. Жуда зич ашёларгина, масалан, битум, шиша, пўлат, полимер ва махсус таркибли бетон амалда сув ўтказмайди.
Музлашга чидамлилик. Aшёни сувга тўйинган ҳолатида муз­латиб яна қайта эритганда унда сезиларли бузилиш аломатлари бўлмаса, яъни мустаҳкамлиги 25% дан, оғирлиги эса 5% дан кўп камаймаса бу ашё музлашга чидамли деб ҳисобланади.
Aшё ғовакларидаги сув ҳарорат пасайиши билан музлайди. Бунда сув ҳажми 10% гача кенгаяди.
Aшёнинг музлашга чидамлилиги махсус музлатгич каме­раларида аниқланади. Бунинг учун синалаётган ашёдан тай­ёрланган намуна қуритилиб оғирлиги топилади, сўнгра тўла сув шимдирилиб, музлатгич (ҳарорати 15°C бўлган) камерага қўйилади. Музлаган ашёни эритиш учун, уни нормал ҳарорат­даги (20—25°C) сувга туширилади. Aшёнинг турига қараб, муз­латиш ва эритиш учун 4—6 соат вақт кетади. Намунанинг 1 марта музлатиб эритилиши бир цикл деб аталади.
Серғовак ашёларнинг сув шимиш даражаси 85% дан ош­маса, уни музлашга чидамли ашё деса бўлади. Шунингдек, тузилиши зич бўлган, ҳамда ҳар томони берк ғоваклардан ташкил топган ашёларнинг музлашга чидамлилиги юқори бўлади. Музлашга чидамлилик даражасига кўра қурилиш ашёларини қуйидаги маркаларга бўлиш мумкин: (Муз) 10, 15, 25, 35, 50, 100, 150, 200, 300 ва ундан кўп.
Намуналарни 10, 15 ... ёки 300 циклгача синаб, уларни сиқилишга бўлган мустаҳкамлигини эталон намуналарга нисбатан қанчага камайганлиги аниқланади ва у музлашга чидамлилик коеффициенти — К_муз орқали ифодаланади.
Музлашга чидамли қурилиш ашёларининг К_муз кўрсаткичи 0,75 дан кўп бўлиши керак, яъни К_муз  0,75.
Тажрибахона шароитидаги музхоналарда синалган ашёларнинг музлашга чидамлилик кўрсаткичи уч йиллик табиий муҳит таъсирига тўғри келади. Таққослаш учун айрим қурилиш ашёларининг музлашга чидамлилик маркасини келтирамиз: деворбоп қурилиш ашёлари — 15—35 цикл; томбоп асбесцемент — 30—50; юк кўтарадиган конструкциялар, гидротехник иншоотлар, йўл қурилиши бетонлари — 50—300 ва ҳ.к.