Э. ҚОсимов, М. Aкбaров пaрдозбоп қурилиш aшёлaри

Суспензиялар билан қоплаш. Полимер кукунидан тайёрланган суспензия (фторопласт суви) буюм сиртига оддий усулда суртилади ёки буюм суспензияга ботириб олинади. Сўнгра буюм қуритилади ва полимерни эритиш ва уни пардага айлантириш учун 260—276°C гача қиздирилади.
Шишапластларни чанглатиш усули билан буюм сиртига қирқилган майда шиша толалари ва полиефир смола бир вақтда (сиқилган ҳаво билан) чанглатилади. Қоплама уй ҳароратида қотирилади ва буюм сиртида мустаҳкам ва ишқаланишга чидамли сирт ҳосил бўлади.
Резина ашё билан қоплаш. Бундай қоплама ўзининг эластиклиги, яхши диелектрик хоссалари, зарарли муҳит таъсирига чидамлилиги, шунингдек, сув, газ ўтказмаслиги билан фарқ қилади.
Пол, девор ва шипларга ишлатиладиган полимер елим ва бўтқалар
Aшёларни бирор юзага маҳкамлаш ва пол қопламаларини ёпиштириш учун ишлатиладиган бўтқалар боғловчи битум, смола, тўлдиргичлар — талк, каолин, асбест, оҳак кукуни ва бошқаларни қориштириб тайёрланади.
Битум бўтқалар билан паркетли поллар, намат ва қоғоз асосли линолеум, релин, асбест смолали ва резина плиткали поллар ишланади.
Битум-резина бўтқа билан линолеумнинг барча турлари (нитроленолеумдан бошқаси) ва плиткали поллар ёпиштирилади.
Казеин ва канифолдан қилинган бўтқа билан намат асосли линолеум ёпиштирилади ва қаттиқ ёғоч толали ва қиринди плиткалар ҳам елимланади.
Қопламани бино деворига ва шипга ёпиштириш учун қу-йидаги елим ва бўтқалар ишлатилади.
Мочевина-формалдегид (МФ-17) ва фенолрезорсина елимлар билан ёғочга қоғоз қатламли пластик листлар, ёғоч толали плиткалар ва пардозловчи фанерлар елимланади.
Казеин-елим (Б-107) билан ёғоч қатламли пластик листлар, ёғоч-қиринди плиткалар, пардозбоп сув ўтказмайдиган фанера, линкруст кабиларни бетон юзага ёки сувоққа елимлаб ёпиштириш мумкин.
Казеин — эмулсион бўтқа билан ёғоч толали ва ёғоч қириндили плиткалар ҳамда пардозбоп фанераларни ёғоч, бетон ва сувоқли юзаларга ёпиштириш мумкин. Aйрим бўтқа ва елимлар, совуқ битум-резина бўтқаларнинг таркиби қуйидагичадир (оғирлиги бўйича, %):