Ё. Н. Файзиев,А. М. Ашурметов, А. Ж. Хамраев,М. Н. Агзамова, М. Д. Ахмедов, Билим соҳаси ижтимоий таъминот ва соғлиқни сақлаш-500000 Таълим сохаси соғлиқни сақлаш -510000

Реополиглюкин – паст молекуляр декстраннинг (20000-40000 молекуляр массали) натрий изотоник эритмадаги ёки глюкоза 5%ли эритмасидаги 10%ли эритмаси. Полиглюкин каби ушбу дори воситаси ҳам гиперонкотик коллоид эритма бўлиб, ички юборилишда қон томир изидаги айланаётган суюқлик ҳажмини кўпайтиради.
Дори воситасининг ҳар бир грамми қон томир изида 20-25 мл. сувни боғлайди. Бу билан унинг гемодинамик таъсири изоҳланади. Реополиглюкин организмда 2-3 сутка давомида айланиб туради, биринчи суткада у нинг 70%и пешоб билан чиқиб кетади.
Реополиглюкиннинг асосий таъсири, полиглюкиндан фарқли ўлароқ, қоннинг реологик хусусиятлари ва микроциркуляциясини яхшилашдан иборат. Бу дори воситаси эритроцитлар дезагрегациясини келтириб чиқариш, қон тўхтаб қолиши ва тромб ҳосил бўлишининг олдини олиш функциялари билан изоҳланади. Қонга тушган ушбу дори воситаси қон томирига ҳужайралар орасидаги суюқликни жалб қилади ва бу қоннинг гемодилуюцияси ва ёпишқоқлиги пасайишига олиб келади. Декстран молекулалари қон ҳужайралари юзасини қоплаб олиб, ундаги эритроцитлар ва тромбоцитларнинг электрокимёвий хоссаларини ўзгартиради. Реополиглюкиннинг тромбга қарши таъсири балки унинг тромбоцитлар салбий зарядланишини кучайтириш ва уларнинг адгезия ҳамда агрегация имкониятларини ошириш хусусияти билан боғлиқдир. Реополиглюкинни қўллаш турли хилдаги шоклар ҳолатида микроциркуляциянинг бузилиши, тромбоэмболик асоратлар, очиқ юракдаги хирургия амалёти, қон томир касалликлари, қон томирларидаги хирургия амалёти, трансфузиядан кейинги асоратлар, ўткир буйрак етишмовчилиги кабиларда тавсия қилинган.
Р еополиглюкинни қўллашдан келиб чиқиши мумкин бўлган реакция ва ножўя асоратлар худди полиглюкиндагидек. Шунингдек, уни қўллашдан олдин ҳам биолоик синов текширувини ўтказиб кўриш лозим.
Реосорбилактнинг таркиби – натрий лактат, сорбитол, натрий хлорид, магний хлорид, калий хлорид ва калций хлориддан иборат бўлиб, қон босими кескин тушиб кетганда қўлланилади. Реосорбилактнингқўллашдан келиб чиқиши мумкин бўлган реакция ва ножўя асоратлар худди полиглюкиндагидек.