Ё. Н. Файзиев,А. М. Ашурметов, А. Ж. Хамраев,М. Н. Агзамова, М. Д. Ахмедов, Билим соҳаси ижтимоий таъминот ва соғлиқни сақлаш-500000 Таълим сохаси соғлиқни сақлаш -510000

Қон йўқотилиши даражаси	Қон йўқотилиши ҳажми	Умумий трансфузия ҳажми (қон йўқотилишига нисбатан %да)	Яхлит қон (қон йўқотилишига нисбатан %да)
Тузли ва каллоидли эритмалар нисбати
Енгил (АҚҲ 10%игача)	500-700 мл	100-200%	––	1:1
Ўртача (АҚҲ 11-20%и)	700-1200 мл	200-250%	40%	1:1
Оғир (АҚҲ 21-30%и)	1200-2000 мл	300%	70%	1:2
Салмоқли (АҚҲ >30%и)	2000 мл.дан ортиқ	400%	100%	1:3

III-БОБ ҚОН ЎРНИНИ БОСУВЧИ ЭРИТМАЛАР

Қон ўрнини босувчилар воситалар деб қоннинг йўқотилган функцияларининг ўрнини босувчи ёки бузилган функцияларини меъёрлаштириш учун мўлжалланган даволаш эритмаларига айтилади.
Ҳозирги пайтда дунёда қон ўрнини босувчи эритмалар туркумига кирувчи бир неча минглаб дори воситалари мавжуд. Улардан турли патологик ҳолатларда тана гемостазининг асосий қон стандартларини қўллаб-қувватлашда ва тузатишда кенг фойдаланилади. Қон ўрнини босувчи эритмалар ўзининг юқори самарадорлиги билан ажралиб туради ва уларнинг қўлланилишида гуруҳ мансублигини эътиборга олиш шарт эмас, сақлаш муддати жуда ҳам катта, ташиш осон. Экстремал шароитлар юзага келганида турли ҳил қон гуруҳидаги беморларга ва жароҳатланганларга шошилинч ёрдам кўрсатиш мумкин.
Ўз функцияонал хусусиятлари ва йўналтирилганлиги бўйича қон ўрнини босувчи эритмалар қуйидаги гуруҳларга бўлинади:

1. 
   гемодинамик таъсирли эритмалар,
   
2. 
   заҳарлардан тозаловчи (дезинтоксикацион) эритмалар,
   
3. 
   парентерал озиқланишга мўлжалланган эритмалар,
   
4. 
   организмдаги сув-туз алмашинуви ва кислотали-ишқорли мувозанатни мувофиқлаштирувчи эритмалар,
   
5. 
   кислород етказиб берувчи эритмалар.