Ё. Н. Файзиев,А. М. Ашурметов, А. Ж. Хамраев,М. Н. Агзамова, М. Д. Ахмедов, Билим соҳаси ижтимоий таъминот ва соғлиқни сақлаш-500000 Таълим сохаси соғлиқни сақлаш -510000

Ё ғли эмульсиялар
Парентерал озуқланиш комплексига ёғли эмульсияларнинг киритилиши касал организмни энергетикаси ҳолатини яхшилайди, кучли азотни тежаш таъсирини кўрсатади, плазманинг липидли таркибини ва ҳужайралар мембраналари таркибини мувозанатга келтиради. Ёғлар организмни ўрнини тўлдириб бўлмайдиган ёғ кислоталари (линолен, линол, арахидон кислоталари), ёғда эрувчи витаминлар (А, К, Д) ва фосфолипидлар билан таъминлайди. Клиник амалётда ёғли эмульсиялардан (эмульгация қилинган ёғлар ёғли эмболияни келтириб чиқармайди) фойдаланилади. Бунда энг кўп фойдаланиладиган дори воситалари бўлиб интралипид, липифизиан, инфузолипол, липофундин, липомул, инфонутрол, фатген ва бошқалар ҳисобланади.
Ёғли эмульсияли дори воситалари венага томчилаб дақиқасига 10-20 томчи тезлигида юборилади, шунингдек уларни зонд орқали ошқозонга юбориш ҳам мумкин.
Ёғли эмульсиялардан фойдаланиш шок ҳолати, бош-мия жароҳати, жигар иш фаолиятидаги бузилишлар, кучли атеросклероз ҳолатларида қўлланилиши тавсия қилинмайди. Уларнинг инфузиясини амалга оширишдан олдин биологик синов текширувини ўтказиш зарур.
Углеводлар
Углеводлардан парентерал озиқланиш тизимида энергетик эҳтиёжларни қондириш, шунингдек оқсиллар гидролизатларига энегеик қўшимчалар сифатида фойдаланилади. Организмга юборилган углеводлар оқсиллар гидролизатлари парчаланиши ва аминокислоталардан шахсий оқсилларнинг ш акллантирилишига ёрдам беради.
Энг кўп фойдаланиладиган дори воситаси бўлиб глюкозалар (5%,10%, 20% ва 40%) ҳисобланади. Уларнинг қўлланилиши тавсия қилинмайдиган ҳолатлар бўлиб қандли диабет ҳисобланади.
Бошқа углеводлардан эса фруктоза ва угловод спиртлари (ксилит, сорбит, маннит) ишлатилади. Ушбу дори воситаларининг ўзлаштирилиши инсулиннинг таъсири билан боғлиқ эмас ва бу қандли диабет билан касалланган беморларда ишлатиш мумкин.