Е. Б. Бабский, А. А. Зубков, Г. И. Косицкий, Б. И. Ходоров

Томир тонусининг бош мия пўстлоғи томонидан бошқарилиши (томирлар тонусининг кортикал регуляцияси). Бош мия яримшарлари пўстлоғииинг томирларга таъсири биринчи марта пўстлоқнинг муайян қисмларини таъсирлаш йўли билан исбот этилган.
Одамда томирларнинг кортикал реакциялари шартли рефлекслар усулида ўрганилган. Бу тажрибаларда томирларнинг торайганлиги ёки кенгайганлиги бирор орган, масалан, қўл ҳажмининг ўзгаришидан плетизмография усулининг срдами билан билинади. Томирлар торайса органнинг қонга тўлиши, бинобарин, ҳажми ҳам камаяди. Томирлар кенгайганда эса, аксинча, органнинг қонга тўлиши ва ҳажми ортади.
Органга қанча қон келишига қараб томир рефлексларини ўрганиш учун одам қўли плетизмографга киритилади. Плетизмограф — кичик босимларни ўлчаш учун манометр-га уланган жипс берк идишдир. Қон томирлар кенгайганда ски торайганда плетизмо-граф ичидаги органнинг ҳажми ўзгаради, шу туфайли асбобдаги сув ёки ҳаво босими ўзгаради, бу эса мапометр ёрдамида кимографга эгри чизиқ шаклида сзиб олинади.
Бирор таъсирот, масалан, терининг бирор қисмини иситиб, перифе-рик томирларни рефлекс йўли билан кенгайтириш ёхуд терининг бирор жойини совитиб ёки оғритувчи таъсирот бериб, периферик томирларни торайтириш билан бирга бирорта индифферент таъсирловчи (товуш, ёруғлик ва ҳ. к.) қўлланилса, бир қанча марта шундай бирга таъсир этишдан сўнг индифферент таъсирловчининг ўзи олдин у билан бирга берилган шартсиз иссиқ, совуқ ёки оғриқ таъсироти каби томирлар-реакциясини вужудга келтиради (43-расм).
Илгари индифферент бўлган таъсиротга томирлар шартли рефлекс йўли билан, яъни бош мия ярим шарлари пўстлоғи орқали жавоб беради (реакция кўрсатади). Бундай ҳолларда терига ҳеч қандай таъсир кўреатилмагаи бўлса ҳам, одамда тегишли сезгилар (иссиқ, совуқ ёки оғриқ сезгиси) пайдо бўлади. Спортчилар машқ ёки мусобақа бошлашдан аввал стартда турганда юрак фаолияти ва томирлар тонуси ўзгариши сабабли қон босимининг кўтарилиши ҳам бош мия ярим шарлари пўстлоғининг таъсир этишини кўрсатади.