Е. Б. Бабский, А. А. Зубков, Г. И. Косицкий, Б. И. Ходоров

Е. Б. БАБСКИЙ, А. А. ЗУБКОВ, Г. И. КОСИЦКИЙ, Б. И. ХОДОРОВ
ОДАМ ФИЗИОЛОГИЯСИ
уССР ФА академиги Е. Б. БАБСКИЙ
таҳрири остида
СССР Соғлиқни сақлаш министрлигининг
ўқув юртлари бош бошқармаси медицина институтларининг
студентлари учун дарслик қилиб тавсия этган
Б. РАҲИМОВ ва Т. ҒУЛОМОВ таржимаси
УЗБЕКИСТОН ССР «МЕДИЦИНА» НАШРИЁТИ' ТОШҚЕНТ — 1972


5-3-1
1-71
Махсус редакторлар.
медицина фанлари доктори, проф. А. Ҳ. ҲОШИМОВ,
медицина фанлари кандидатн, доцент Ҳ. НАСРИДДИНОВ
5А2.2 027
Одам физиологияси. Акад. Е. Б. Бабский таҳрнрн остида. В. Раҳимов ва Т. Ғуломов тарж. Мед. интларнинг студентлари учун. Т., «Медицина», 1972,
6376.
Сарлавҳа олдида авт.: Е. Б. Бабский, А. А. Зубков, Г. И. Косии-кий, Б. И. Ходоров.
333333
СЎЗ БОШИ
Сўнгги 20 йилда эски тадқиқот методларининг такомиллашуви ва янги тадқиқот методларининг татбиқ этилиши туфайли ҳайвонлар ва одам физиологияси шу қадар кўп принципиал муҳим фактлар билан бойидики, ҳар хил физиологик процессларнинг табиати ва юзага чиқиш механизми ҳақида илгари мавжуд бўлган назарий тасаввурларни тубдан қайта кўриб чиқиш зарур бўлиб қолди. Илгари нашр этилган физиология дарсликлари, шу жумладан Е. Б. Бабский, Н. К. В ерешчагин, А. А. Зубков ва Н. В. Тимофссв ёзган «Нормал физиология курси» эскириб қолгани табиий.
Аввалига биз илгари нашр этилган дарсликни қайта ишлаб чиқиш билан кифояланмоқчи бўлдик. Аммо эски дарслик фаннинг ҳозирги савиясига мос келмагани учун бутунлай янги дарслик ёзиш зарурлигн бизга ҳадемай аён бўлиб қолди. Китобнинг умумий планини ҳам, айрим бобларнинг тузилишини ҳам, материални баён қилиш логикасини ҳам анча ўзгартишга тўғри келди.
Замон ўтиши билан авторлар коллективи ҳам ўзгарди. Авторлардан икки киши — проф. Н. К. Верешчагин билан проф. Н. В. Тимофеевнинг вафоти биз учун энг оғир мусибат бўлди. Улар «Нормал физиология курси»ни яратишда қатнашиб, кўп ижодий меҳнат қўшишган, бу меҳнат самаралари эса ушбу китобда ҳам акс этгандир. Авторлар коллективига проф. Г. И. Косицкий билан медицина фанлари доктори Б. И. Ходоров қўшилди. «Марказий нерв системасининг сенсор функциялари ва ҳаракатлар регуляцияси» бобини ишлашга медицина фанлари доктори Р. А. Дуринян жалб қилинди.
Дарслик медицина институтларининг ҳозир амалда бўлган физиология программасига мос қилиб ёзилган. Врачнинг амалий фаолиятида аҳамияти бор проблемаларга алоҳида эътибор беришга ҳаракат қилдик. Шу билан бирга асосий физиологик ироцессларнинг табиати ҳақидаги энг муҳим назарий концепцияларни ёритишни зарур деб ҳисобладик. Ҳақиқий врач — мутафаккир врач, тадқиқотчи врач бўлишга интиладиган ҳар бир стўдент шу процессларни чуқур билиб олишн зарур деб биламиз.
Китоб устидаги ишимизда «Медицина» нашриётининг редакторлари — доцент А. В. Губарь билан проф. В. Л. Губарь бебаҳо ёрдам беришди. Уларга авторлар чуқур миннатдорчилик бнлдирадилар.
Китобни босувга тайёрлашда кўмаклашгани учун М. И. Аруиндан ҳам миннатдормиз.
Китоб ҳақида танқидий мулоҳазалар билдирадиган ва унда топилган камчиликларни кўрсатиб берадиган китобхонлардан, айниқса медицина ииститутларининг ўқитувчиларидан миннатдор бўламиз.


УССР ФА академиги Е. Б. БАБСКИЙ