Е. Б. Бабский, А. А. Зубков, Г. И. Косицкий, Б. И. Ходоров

Карбонат кислотанинг специфик роли. Нафас маркази карбонат кислотанинг ва НСОз ионларининг таъсирига нисбатан айниқса юксак сезгир. Буни ишқорий реакцияга эга бўлган ва тўқималар билан қонда Н⁺ва НСОз ионларига диссоциацияланадиган бикарбонат қонга юбо-рилганда нафаснинг кучайишидан кўриш мумкин.
Карбонат кислотанинг нафас марказига нисбатан специфик қўзғатувчилиги Жекобс тажрибаларида кўрсатиб берилган. Ҳужайра мембра наси орқали Н⁺ ва НСОз ионларининг ёмон ўтишини, диссоциацияланмаган карбонат кислотасининг эса яхши ўтйшини Жекобс аниқлатан. Кўрсатилган тажрибаларга асосланиб, нафас марказининг қондаги карбонат кислотадан таъсирланиш механизмини қуйидагича тасаввур қилиш мумкин: диссоциацияланмаган Н2СО3 нерв марказининг ҳужайраларига диффузияланади ва у нерв ҳужайраларида диссоциацияланиб таъсир этувчи Н⁺ ионини ажратиб чиқаради. Ҳужайраларга бошқа кислоталарга нисбатан тезроқ диффузияланиш карбонат кислотанинг спе-цифик хусусиятидир, Н2СО3 нинг нафас марказига кўпроқ қўзғатувчи таъсир кўрсатиши ҳам шунга боғлиқ.
Карбонат кислота нафас марказини қўзғатиши клипик практикада кўлланиладп. Нафас марказининг функцияси сусайганда ва шу сабабли организм етарлича кисло-род билан таъминланмаганда бемор кислород билан 6% карбонат ангидрид аралаш-масидан ниқоб орқали нафас олдирилади. Бундай газ аралашмаси карбоген деб аталади.
Карбонат кислотанинг нафас марказига рефлектор таъсири. Гейманс кўатганидек карбонат кислота нафас марказини бевосита қўзғатиш билангина қолмай, рефлекс йўли билан рефлексоген каротид зонанинг хеморецепторлари орқали ҳам қўзғатади. Организмдан ажратиб олинган ва унга фақат нерв толалари билан боғланган каротид синусни перфузияловчи қондаги карбонат кислота таранглиги ортганда нафас ҳаракатлари кучаяди. Каротид синусни перфузияловчи қондаги Н₂СОз таранглиги камайганда эса, аксинча, нафас ҳаракатлари сусаяди.
К ислород етишмаслигининг нафас марказига таъсири. Нафас марказининг инспиратор нейронлари қондаги Н₂С0₃ таранглиги ортгандагина эмас, балки кислород таранглиги камайганда ҳам қўзғалади.
Кислород етишмаслиги томирларнинг реф-
лексоген зоналаридаги
хеморецепторларга таъ-
сир этиб, нафас ҳаракат-
ларини рефлекс йўли би-
лан кучайтиради. Қонда-
ги кислород таранглиги
камайганда каротид та-
начадаги хеморецептор-
ларнинг қўзғалишини
К. Гейманс, Э. Нейл ва бошқа физиологлар каротид синусдан бошланувчи Геринг нервида биоэлектр потенциалларини қайд қилиш йўли билан бевосита исбот этишган. Каротид синусни кислороди кам бўлган қон билан перфузиялаш натижасида Геринг нервидаги ҳаракат потенциаллари тезлашади (63-расм). Қондаги карбонат кислота ортиқча, кислород кам бўлганида нафаснинг ўзгариш характери турлича. Қондаги кислород таранглиги пича камайганда нафас ритми рефлекс йўли билан тезлашади, қондаги Н₂С0₃ таранглиги пича ошганда нафас ҳаракатлари рефлекс йўли билан чуқурлашади.