Е. Б. Бабский, А. А. Зубков, Г. И. Косицкий, Б. И. Ходоров

кньо₂+н2со3=ннь + о2 + кнсо3
Баён қилинганлардан кўриниб турибдики, оксигемоглобин гемоглобинга айлангач ва ўзи боглаб олган асосларни карбонат кислотага бергач, бикарбонат ҳосил бўлишига ва карбонат кислотанинг шу тарзда ташилишига ёрдам беради. Бундан ташқари гемоглобин С0₂ билан химиявий бирикма ҳосил қилади — карбогемоглобин деб шуни айтилади.
Қонда гемоглобиннииг С0₂ билан бирикмаси борлиги қуйидаги тажрибада аниқланган. Бутун қонга карбоангидраза активлигини батамом йўқотадиган заҳар— калий цианид қўшилса, бундай қоннинг эритроцитлари С0₂ ни плазмага қараганда кўпроқ бириктириб олар экан. Шунга асосланиб, карбоангидраза инактивлангандан сўнг эритроцитларнинғ С0₂ бириктириши уларда гемоглобиннинг С0₂ билан бирикмаси борлиги билан изоҳланади, деган хулоса чиқарилди. С0₂ гемоглобиннинг амин группасига бирикиб, карбамин боғини ҳосил қилиши кейин аниқланди.
Карбоксиглобин ҳосил бўлиш реакцияси қондаги карбонат ангидрид таранглигига қараб бирор томонга йўналиш.и мумкин. Карбонат ангидрид умумий миқдорининг қондап ажратиш мумкин бўлган озгина қисми (8—10%) гемоглобин билан бириккан бўлса ҳам, бу бирикма қоннинг карбонат аигидрид ташишида етарлича катта роль ўйнайди. Катта доира капиллярларидаги қон ютадиган карбонат ангидриднинг тахминан 25—30 проценти гемоглобинга бирикиб, карбогемоглобинни ҳосил қилади.
Упка капиллярларида қондан С0₂ ажралиб чиқиши. Альвеоляр ҳаводаги С0₂ нинг парциал босими веноз қондаги С0₂ таранглигига нисбатан пастроқ бўлгани учун карбонат ангидрид ўпка капиллярларидаги қондан альвеоляр ҳавога диффузия йўли билан ўтади. Қондаги С0₂ таранглиги пасаяди. Шу билан бирга альвеоляр ҳаводаги кислороднинг парциал босими веноз қондаги 0₂ таранглигига нисбатан юқори бўлгани учун кислород альвеоляр ҳаводан ўпка капиллярларидаги қонга ўтади. Қондаги С0₂ таранглиги ортади ва гемоглобин оксигемоглобинга айланади. Оксигемоглобин гемоглобин ва карбонат кислотага нисбатан анча кўп диссоциациялангани учун карбонат кислотани калий бикарбонатдан суриб чиқаради. Реакция қуйидагича боради:
ннь+о₂+кнсо₃=кньо₂+н₂со₃.
Асослар билан боғланишдан қутилган. карбонат кислотани карбоангидраза карбонат аигидрид ва сувга парчалайди. Упкада карбонат ангидриднинг қондан ажралиб чиқишида карбоангидразанинг аҳамияти қуйидаги маълумотлардан кўриниб турибди. Сувда эриган Н₂СОз нинг дегидратация реакцияси рўй бериши учун ва қон ўпка капиллярларида турган вақтда ундан қанча карбонат ангидрид ажралиб чиқадиган бўлса, ўшанча карбонат ангидрид ажралиб чиқиши учун 300 секунд керак. Қон эса ўпка капиллярларидан 1—2 секунд ичида ўтади, лекин шу вақт мобайнида эритроцит ичида карбонат кислота дегидратацияси рўй бериб улгуради ва ҳосил бўлган С0₂ аввал қон плазмасига, кейин эса альвеоляр ҳавога диффузия йўли билан ўтиб олади.
Упка капиллярларида эритроцитлардаги НСОз ионлари концентрацияси камайганлиги учун, бу ионлар плазмадан эритроцитларга диффузлана бошлайди, хлор ионлари эса эритроцитлардан плазмага диффузланади. Упка капиллярларида қондаги карбонат ангидрид таранглиги камайганлиги учун карбамин боғ узилади ва карбогемоглобиндан карбонат ангидрид ажралиб чиқади.
Бу процессларнинг ҳаммаси 57-расмда схема тарзида келтирилган.