Е. Б. Бабский, А. А. Зубков, Г. И. Косицкий, Б. И. Ходоров

Қоннинг карбонат ангидрид ташиши
Веноз қондан 55—58 ҳажм% карбонат ангидрид ажратиб олиш мумкин. Қондан ажратиладиган СО2 нинг кўп қисми плазма ва эритроцитлардаги карбонат кислота тузларидан (карбонатлардан) вужудга келади, фақат қарийб 2,5 ҳажм% қонда эриган, қарийб 4—5 ҳажм°/о гемоглобин билан бирикиб, карбогемоглобин шаклида бўлади.
Қарбонат кислота эритроцитларда, улардаги карбоангидраза ферменти иштирокида карбонат ангидриддан ҳосил бўлади. Бу фермент СО2 нинг гидратация реакциясини тезлаштирадиган кучли катализатордир.
Карбоангидраза. Бу ферментнинг мавжудлигини И. М. Сеченов тахмин қилгаи эди, лекин уни 1932 йилдагина Мелдрум ва Рафтон кашф этган.
Эритроцитлардан ташқари, меъда ости ва сўлак безларида, меъданинг шиллиқ қабатида, буйракларда, марказий нерв системасида, кўзнинг тўр пардасида ҳам карбоангидраза топилган. Меъдада хлорид кислота ва меъда ости безининг шираси билан сўлакда бикарбонатлар карбоангидраза иштирокида ҳосил бўлади. Организм ҳолатига қараб карбоангидраза активлиги ўзгаради; кислород етишмаганда, паст босимда нафас олинганда карбоангидраза активлиги ошади, турли касалликларда бу фермент активлиги ўзгаради.
С0₂нинг таранглигига қараб карбоангидраза С0₂+Н₂0 = Н₂С0₃ реакциясини бирор томонга ўзгартиради, яъни реакцияни ё гидратация ёки дегидратация томонига катализлай олади.
Масалан, тўқималарнинг капиллярларида СО2 нинг таранглиги юқори, бундай капиллярларда С0₂ билан Н₂0 дан карбонат кислота ҳосил бўлади. Қон С0₂ таранглиги паст бўлган шароитда ўпкадан ўтаётганда карбоангидраза дегидратация реакциясини тезлаштиради, натижада карбонат ангидрид қондан ажралиб чиқади.
Катта доира капиллярларида қонга карбонат ангидрид бирикиши. Тўқималарда ҳосил бўлувчи карбонат ангидрид қон томир капиллярларидаги қонга диффузияланади, чунки тўқималардаги С0₂ таранглиги артериал қондаги С0₂ таранглигидан юқори. Плазмада эрийдиган СО2 эритроцитлар ичига диффузияланади ва шу ерда карбоангидраза таъсирида дарҳол карбонат кислотага айланади. Ҳисобларга қараганда эритроцитлардаги карбоангидраза активлиги шундайки, карбонаткислотанинг гидратация реакцияси 1500—2000 баравар тезлашади. Эритроцит ичидаги карбонат ангидриднинг ҳаммаси карбонат кислотага айлангани учун, С0₂ нинг эритроцитдаги таранглиги нолга яқин, шу туфайли С0₂ нинг янгидан-янги порциялари эритроцит ичига кира-
ди. Эритроцитда С0₂ дан карбонат кислота ҳосил бўлгани учун эритроцитларда НСОз ионларининг концентрацияси ортиб кетади ва улар плазмага диффузиялана бошлайди. Бунинг боиси шукй, эритроцитнинг юза мембранаси анионларни ўтказа олади. Эритроцит мебранаси кати-
онларни амалда ўтказмайди. НСО₃ ионлари ўрнига хлор иони эритроцитлар ичига киради. Плазмадан эритроцитлар ичига хлор ионларининг ўтиши сабабли плазмада натрий ионлари бўшайди ва улар эритроцитдан кирган НСО₃ ионларини бириктириб, NaНСОз ни ҳосил килади.Веноз қон плазмасида бикарбонат кўпайиб кетганлиги шу плазмани химиявий анализ қилишда аниқланади.
Эритроцит ичида анионларнинг кўпайиб кетиши сабабли осмотик босим кўтарилади, бунинг натижасида эса эритроцитнинг юза мембранаси орқали плазмага сув ўтади. Правардида катта доира капиллярларидаги эритроцитлар ҳажми ортади. Эритроцитлар артериал қоннинг 40% ҳажмини, веноз қоннинг эса 40,4% ҳажмини эгаллаш гематокрит ёрдамида текшириб аниқланган. Эритроцитларнинг веноз қондаги ҳажми артериал қондагидан катта эканлиги шундан англашилиб турипти. Эритроцитлар ичига сув кирганидан ҳажми катталашади.
Эритроцит ичига С0₂ кириб, ундан карбонат кислота ҳосил бўлиши билан бир вақтда оксигемоглобиндан кислород ажралиб чиқиб, қайтарилган (редукцияланган) гемоглобинга айланади. Бу модда оксигемоглобин ва карбонат кислотага қараганда камроқ диссоциацияловчи кислотадир. Шунинг учун оксигемоглобин гемоглобинга айланганда Н₂С0₃ гемоглобиндан калий ионларини суриб чиқаради ва улар билан бирикиб, калий бикарбонат деган тузни ҳосил қилади.
Карбонат кислотанинг ажралган Н+ иони гемоглобин билан бирикади. Қайтарилган гемоглобин кам диссоциацияланувчи кислота бўлганидан, қон нордонлашмай, веноз қон билан артериал кон ўртасидаги рН фарқи ғоят кам бўлади. Тўқима капиллярларидаги эритроцитларда рўй берувчи реакцияни қуйидагича тасаввур қилиш мумкин: