Дорул ҳикмат вал маориф” музей экспозицияси экскурция матни

Беруний ҳикматлари

Донишманд ва олимлар ахлоқидан таълим олиш яхши

хулқни тиргизади, ёмонликни йўқ қилади.
* * *
Кичик нарсага эътиборсиз қарама, унинг фойдали ўрни
бор, катта керакли жойи бор.
* * *
Нодонлик бедаво дарддир.
* * *
Номуродларни камситма.
* * *
Билимсиз кишиларнинг кўнгли хурофотга мойил бўлади.
Тил сўзловчи истагини эшитувчига етказадиган
таржимондир.
* * *
Яхшилик - жамики одамларга яхшилик қилмоқдан
иборатдир.
* * *
Тенглик ҳукм сурган жойда алдамчи эҳтирослар, ғам –
ғусса бўлмайди.
* * *
¨монликнинг шахобчалари кўп бўлса, уларнинг асоси
тама, ғазаб ва илмсизликдир
* * *
Билиминг шундай нарсаки, у яланғоч бўлганингда ҳам
ўзингда қолади, ҳаммомга кирсанг сув билан ювиб
бўлмайди.
* * *
Билим қайтариш ва такрорлаш мевасидир.
* * *
Бугуннинг чорасини кўриб, эртага эҳтиёжи қолмаган
киши ақллидир.
* * *
Ҳар бир инсоннинг қадр-қиммати ўз ишини қойил қилиб
бажаришида.
* * *
Эҳсон қилган кишининг миннати эҳсонини йўққа чиқаради.

* * *
¨лғончилик кишини адолатдан юз ўгиртиради.

* * *
Одамлар илм туфайли эзгуликга эришадилар. Улар илм ва ҳунар туфайли ёвузликдан халос топадилар. Шунинг ўзи энг катта фойда, энг катта давлат эмасми.
* * *
Сўз, тил ёрдамида ҳамма нарсага эришса бўлади.
* * *

Инсоннинг асосий бурчи ва вазифаси меҳнатдир, истал

ган нарсага меҳнат орқали эришилади.
* * *
Тил кишилар ўртасидаги алоқа ва фикр алмашув восита
сигина эмас, балки тил илми барча фанларнинг асосини
ўрганиш калити ҳамдир.

Ал-Беруний жаҳон олимлари нигоҳида

"Ўрта аср ва янги замон муаллифларидан ҳеч бири ҳам Ҳинд мадания­тининг чигал масалаларини чуқур илмий руҳда тушунишда Абу-Райҳон Муҳаммад Беруний эришган ютуқларга эриша олмади"

Ҳамид Раза, (XX аср) Ҳинд олими.
* * *
"Беруний илк Ўрта аср олимларининг буюгидир. Қадимги Шарқнинг энг порлоқ маданиятидан бири бўлган Хоразм маданиятининг минг йиллик тарихи унда мужассамлашган".
С. П. Толстов, рус шарқшунос олими, археолог.

* * *
"Бу киши (Беруний) суҳбати ширин, хушмуомала, ширинсухан, иффат-номусли, замона илм ва ақлда унга тенг келадиган бошқа одамни кўрмади".

Ёкут ал-Ҳамавий, (XIII аср) араб сайёҳи ва географи

* * *
"Бу одам (Беруний) илми-одобда, нарсаларнинг моҳиятини аниқ­лашда, ҳандаса ва фалсафада шу қадар билимдон эдики, унинг замонида унга тенглашадиган ҳеч ким йўқ эди".